F-1.az xatırladır ki, Covinatsi keçən mövsüm GP2-də ikinci olduqdan sonra Ferrari onu test sürücüsü kimi transfer etmişdi.
Əgər Ferrari və FİAT-ın prezidenti Sercio Markionne Alfa Romeo-nu Formula1-ə sala bilərsə, Covinatsi böyük ehtimalla bu komandada çıxış edəcək.
Antonio Covinatsi: “Alfa Romeo əfsanəvi bir markadır və burada olmaq məni həyəcanlandırır. Simulyatorlarda təcrübə qazanıram. Sauber ilə cümə günü keçirilən sərbəst yürüşlərdə iştirak edə bilərəm. Görəcəyik. Hazırda anın həzzini yaşayıram”
Bəzi xəbərlərə görə, Sauber komandasının rəhbəri Monişa Kaltenborn Ferrari-nin test sürücüsü Covinatsi üçün Mauritsio Arrivabene ilə danışıqlar aparır. Əgər tərəflər razılığa gəlsələr, gənc sürücü cümə günləri sərbəst yürüşlərdə iştirak edə bilər. Əgər tərəflər razılığa gələ bilməsələr, bu dəfə Şarl Lekler üçün danışıqlara başlayacaqlar…
