Fernando Alonso Britaniyada qələbə qazanmaqla mövsümdə ilk uğuruna imza atıb – ispaniyalı sürücü karyerasında 27-ci dəfə podiumun zirvəsinə qalxıb. Finişdən sonra ikiqat dünya çempionu komandanın tərəqqisindən danışıb…
Fernando Alonso: “Biz əmin idik ki, rəqabətədavamlı olacayıq, amma qələbə bizim ciddi tərəqqimizdən xəbər verir. Əvvəllər biz bu trasda heç vaxt sürətli olmamışıq, eləcə də Barselonada – döngələrin xaarkteristikası və konfiqurasiyası bizim maşına uyğun gəlmir, ona görə də bugünkü uğur növbəti Qran Pri ərəfəsində əminliyi artırır.
Bu gün biz uğuru qeyd edəcəyik, sonra işimizə davam edəcəyik – biz Malayziyada, Kanadada, Britaniyada olduğu kimi qələbə uğrunda mübarizə aparacayıq. Sebastyanın üstünlüyü böyükdür və biz hələlik titul uğrunda mübarizə barədə düşünmürük, sadəcə hər bir yarışdan zövq almaq lazımdır.”