Quru. Buludlu. Havanın temperaturu +14° C, trasın temperaturu +21° C
İkinci sessiyanın əvvəlinə buludlar arxasından günəş biyanıb, hava qızıb və asfalt quruyub. Sürücülər trasa tələsiblər – səhər itirdikləri vaxtı kompensə etmək lazım gəlib. Boksda yalnız Fettel və Maldonado ləngiyiblər – mexaniklər səhər zədələnmiş maşınları bərpa ediblər, amma almaniyalı sürücünün maşını tam bərpa olunmadığı üçün sonuncu dünya çempionu sessiyanı buraxmalı olub.
Sessiyanın ortasında trasa çıxmış Maldonado 8-ci döngədə fırlanıb, sonra Alonso 6-cı döngədə trasdan çıxıb – ispaniyalı sürücü trasa qayıdıb və pit-leynin girişində maşını saxlamalı olub, marşallar maşını itələyərək mexaniklərə təhvil veriblər. Sessiyanın sonuna 12 dəqiqə qalmış Maldonado daha bir qəzaya uğrayıb – bu dəfə maşın qoruyucu baryerlərə çırpılıb.
Trasın vəziyyəti yaxşılaşdığı üçün sürətlər artıb, sonda isə sürücülər yumşaq təkərlərə keçiblər. Protokollara Censon Batton başçılıq edib – 1:26.456, bu nəticə keçənilki poula cəmi 0.15 saniyə uduzur. Əgər sabah hava yaxşı olarsa, nəticələr daha da yaxşılaşacaq…
Nəticələr belə olub:
| Yer | Pilot | Komanda | Motor | Vaxt | Fərq | Dövrə |
| 01 | C.Batton | McLaren | Mercedes | 1:26.456 | – | 26 |
| 02 | N.Rosberq | Mercedes GP | Mercedes | 1:26.521 | + 0.065 | 29 |
| 03 | L.Həmilton | McLaren | Mercedes | 1:27.033 | + 0.577 | 31 |
| 04 | M.Şumaher | Mercedes GP | Mercedes | 1:27.063 | + 0.607 | 21 |
| 05 | M.Uebber | Red Bull | Renault | 1:27.149 | + 0.693 | 31 |
| 06 | F.Massa | Ferrari | Ferrari | 1:27.340 | + 0.884 | 37 |
| 07 | V.Petrov | Lotus Renault GP | Renault | 1:27.517 | + 1.061 | 37 |
| 08 | P.di Resta | Force İndia | Mercedes | 1:27.725 | + 1.269 | 37 |
| 09 | S.Peres | Sauber | Ferrari | 1:27.844 | + 1.388 | 32 |
| 10 | A.Sutil | Force İndia | Mercedes | 1:28.052 | + 1.596 | 37 |
| 11 | F.Alonso | Ferrari | Ferrari | 1:28.069 | + 1.613 | 27 |
| 12 | S.Buemi | Toro Rosso | Ferrari | 1:28.153 | + 1.697 | 36 |
| 13 | N.Haydfeld | Lotus Renault GP | Renault | 1:28.475 | + 2.019 | 35 |
| 14 | X.Algersuari | Toro Rosso | Ferrari | 1:28.765 | + 2.309 | 32 |
| 15 | P.Maldonado | Williams | Cosworth | 1:28.828 | + 2.372 | 19 |
| 16 | R.Barrikello | Williams | Cosworth | 1:28.946 | + 2.490 | 20 |
| 17 | Y.Trulli | Team Lotus | Renault | 1:29.409 | + 2.953 | 39 |
| 18 | K.Kobayaşi | Sauber | Ferrari | 1:29.637 | + 3.181 | 27 |
| 19 | H.Kovalaynen | Team Lotus | Renault | 1:30.281 | + 3.825 | 37 |
| 20 | J.D’Ambrozio | Marussia Virgin | Cosworth | 1:31.035 | + 4.579 | 28 |
| 21 | T.Qlok | Marussia Virgin | Cosworth | 1:31.221 | + 4.765 | 22 |
| 22 | N.Kartikeyan | Hispania | Cosworth | 1:31.320 | + 4.864 | 29 |
| 23 | V.Liutsi | Hispania | Cosworth | 1:31.989 | + 5.533 | 30 |
| 24 | S.Fettel | Red Bull | Renault | – | – | – |
