F-1.az xatırladır ki, keçən ilin sonunda qanunverici orqan olan Hollandiya məclisində Formula1-in ölkəyə qayıdışının mümkün olub-olmamasını araşdırmaq üçün heyət yaradılmışdı.
Yerli siyasətçilərdən biri bu barədə danışıb: “Bu mövzuda hamı həvəslidir. Belə görünür ki, hökümət və bu sektorda çalışanlar Formula1-in yenidən təşkili üçün birlikdə mübarizə aparacaq”.
Ölkənin mətbuatında yayılan xəbərlərə görə, Hollandiya şahzadəsi Bernard və onun biznes şəriklərindən olan Hans Ernst trası alıb. Ölkədə yarışın yenidən keçirilib-keçirilməyəcəyi sualına cavab verən şahzadə bildirib: “Bu, bizim xəyalımızdır. Trasın imkanlarını artırmaq üçün işlər görəcəyik. Assen trası kifayər qədər inkişaf edib. Zandfort trası Zolder və Assenlə birlikdə Avropanın bu bölgəsinin ən güclü 3 trası olacaq…”
