F-1.az xatırladır ki, belçikalı sürücü bu il Formula1-də ilk tam mövsümünü keçirir və indiyə kimi təcrübəli komanda yoldaşı Fernando Alonsoya qarşı üstünlük qazana bilməyib. 25 yaşlı sürücü bu il ikiqat Dünya Çempionundan daha çox yarışda damalı bayraq görsə də, xal üzünə həsrət qalıb.
İştirak etdiyi bütün aşağı seriyalarda çempion olmuş Vandornun bu çıxışı ekspertlər tərəfindən sərt tənqid edilir.
Zek Braun: “Stoffellə çox xoşbəxtik və inkişafından razıyıq. Fernando Alonsoya qarşı işi çətindir və etibarlılıq problemləri yaşayır. Fernando bütün trasları yaxşı tanıdığı üçün tez uyğunlaşır. Stoffel isə əksəriyyətində ilk dəfə yarışdığı üçün problem yaşayır. Düşünürük ki, gələcəkdə Dünya Çempionu ola bilər. Onu başqa sürücü ilə dəyişmək fikrimiz yoxdur.
Stoffel Avstriyada yaxşı tempdə getdi. Hər sessiyada inkişaf etdi. Yarışda da əla idi, amma öndəki bolidlərə görə bu performansını nəticəyə əks etdirə bilmədi”.
