Zek Braun: “Biz çoxdandır qələbə qazana bilmədiyimiz üçün məyusuq, lakin bunu çox istəyirik. Nəticələr bizi qane etmir, arxada qalan iki il ürəkaçan olmayıb. Vəziyyəti dəyişmək üçün hər şeyi edirik. Addım-addım irəliləmək yox, irəliyə doğru iki addım atmaq lazımdır. Komanda inkişaf etdikcə nəticələr də yaxşılaşacaq, amma mən bu mövsüm qələbə gözləmirəm.
Mövsümün sonunda Mühəndislər Kubokunda tutduğumuz yerə görə yox, əldə etdiyimiz inkişafa görə qiymətləndirmə aparmalıyıq. Biz yarışlar və titullar qazanmaq istəyirik, amma hələ bunun üçün kifayət qədər rəqabətədavamlı deyilik”.
