Bu ilin fevralında McLaren komandası yeni maşının təqdimatını ləngitmişdi və yalnız ikinci testlər seriyasında yoxlamağa başlamışdı, amma gələn ilin maşını artıq fevralın 7-də Xeresdə başlayacaq ilk testlərə hazır olacaq.
MP4-27-nin təqdimatı fevralın 1-nə təyin olunub, amma mərasimin yeril açıqlanmayıb – mətbuat xidməti xəbər verib ki, yanvar ayında KİV-ə bu barədə əlavə məlumat veriləcək.
FİA-nın məcburi krəş-testlərə tələbini nəzərə alaraq bir çox ekspertlər güman edirdilər ki, yeni maşınların təqdimatı ləngiyəcək, Mercedes GP komandası birinci olaraq eyni addımı atdı yeni Mercedes GPW03 fevralın 21-də Barselonada göstəriləcək. Amma Red Bull, Ferrari, McLaren və Sauber komandaları Xeresdə yeni maşınlarla debüt edəcəklərini bəyan ediblər. Digər komandalar hələlik dəqiq tarix söyləməyiblər…