F-1.az xəbər verir ki, Kimi Rəykkönen və Ləns Stroll reqlamentin tələb etdiyi kimi, altı yarışlıq məsafəni keçiblər və onların maşınlarında ötürmələr qutusu planlı şəkildə dəyişdirilib. Keçən yarışı başa vura bilməyən Maks Ferstappen, Sebastyan Fettel, Fernando Alonso da dəyişikliyə görə cəzalandırılmayacaqlar.
Markus Eriksson Sinqapurda 5 yer itirməklə cəzalandırılmışdı, amma ehtiyat ötürmələr qutusundan istifadə etmişdi. İsveçli Malayziyada yeni ötürmələr qutusundan etibarən istifadə edəcək, ona görə də sürücüyə heç bir sanksiya tətbiq olunmayacaq.
