23 Oktyabr 2017, Bazar ertəsi - 10:09

Yaponiya-2016: Yarış

Yaponiya-2016: Yarış

Müəllif: Elçin Zodorov, redaktor

10:52 - 09 Oktyabr, 2016

Mövsümün ikinci hissəsi son iki ilin dünya çempionu Lyuis Həmilton üçün heç də yaxşı keçmir – Niko Rosberq bu yarışda da aradakı fərqi daha 10 xal artırıb. Lyuisin çempion olması üçün Nikonun azı bir yarışda texniki problemlə üzləşməsinə ehtiyacı var…

F-1.az xatırladır ki, Malayziyadakı insidentə görə yer itirən Fettel və ötürmələr qutusunu dəyişdirən Verlyayndan başqa, start düzümünü protokollardan fərqləndirən daha iki hal baş verib –  Batton güc qurğusunu tamamilə yenilədiyi üçün ən sonuncu yerdən başlamalı olub, Rəykkönen isə ötürmələr qutusunu dəyişdirdiyi üçün 5 yer itirmək cəzası alıb.

Pirelli Suzukaya Hard, Medium və Soft üçlüyünü gətirib. Yarışda hər bir sürücü ən azı bir dövrə Hard təkərdən istifadə etməli idi.  Maqnussen, Nasr və Batton yarışa Hard, Bottas, Massa, Palmer və Eriksson Medium təkərlərlə, qalan sürücülər isə Soft təkərlərlə başlayıblar.

Yarışın startı Lyuis üçün artıq ənənə halını almış gecikmə ilə başlayıb. Startda ləngiyən britaniyalı 8-ci yerə qədər geriləyib. Onun arxasından start alan sürücülərin də yer itirməsi fonunda, Peres 3-cü yerə qədər yüksəlib. Rosberq isə yerini qoruyub və elə ilk dövrədəcə ikinci yerdən gedən Ferstappenlə arasındakı fərqi bir saniyədən də çox artırıb. İkinci dövrədə ilk onluq belə olub: Rosberq – Ferstappen – Peres – Fettel – Rikkardo – Hülkenberq – Rəykkönen – Həmilton – Qrojan – Qutyerres.

Növbəti dövrələrdə Fettel Peresi, Rəykkönen və Həmilton isə Hülkenberqi keçiblər. On dövrə geridə qalarkən, ilk onluqda başqa dəyişiklik olmayıb. Pit-stopa ən erkən gedən sürücülər Ferstappen, Rikkardo, Qrojan və Kvyat olublar – Red Bull hər iki sürücüsünü eyni dövrədə ardıcıl olaraq təkər dəyişməyə çağırıb. Yarışa ön yerlərdə davam edən Rosberq, Peres və hər iki Ferrari sürücüsü 13-cü, Həmilton isə 14-cü dövrədə pitə üz tutub. Rəykkönen Peresi, Həmilton isə Rikkardo və pit-stopa getməmiş Williams sürücülərini ötüb. Massa və Bottas ilk pit-stoplarını müvafiq olaraq 24-cü və 27-ci dövrədə ediblər. Bu pit-sroplardan sonra ilk beşlikdə vəziyyət belə olub: Rosberq – Ferstappen – Fettel – Həmilton – Rikkardo.

Mercedes AMG stareqləri bu dəfə də Ferrari-dəkiləri üstələyiblər – 34-cü dövrədə Həmilton pit-stopa çağırılıb və ona yenidən Hard təkərlər taxılıb. Bir dövrə sonra Fettel təkərini dəyişib və Soft-a keçib. Hamı Fettelin Həmiltonu təkər fərqinə görə ötüb keçəcəyini gözləsə də, bu baş verməyib. Təkərlərin resursunun çox tez tükəndiyi Suzukada Fettel Həmiltona nəinki hücum etmək, heç yaxınlaşa bilməyib.

Əsl mübarizə isə yarışın sonlarında baş verib. Maks Ferstappenə sürətlə yaxınlaşan Həmilton onu keçmək üçün dəfələrlə cəhd edib, lakin sonuncu döngənin çıxışında üstünlük əldə edən RB12 Maksa müdafiə olunmaq üçün ideal imkan yaradıb. Finişə bir dövrə qalmış isə Həmilton ötmə üçün yaxşı imkan əldə edib – dövrənin sonunda hətta Maksın yanına qədər çatsa da, gənc hollandiyalının bir qədər trayektoriyasını dəyişdirməsi Həmiltonu trasdan çıxmağa məcbur edib. Bir saniyədən çox vaxt itirən britaniyalı son dövrədə yenə cəhd etsə də, startdakı yerini qaytarmağa müvəffəq olmayıb və yarışı 3-cü yerdə başa vurmalı olub.

Yarışa nəzarət edən və sona qədər motora çox da güc salmayan Rosberq Suzukada ilk qələbəsini çox rahat şəkildə əldə edib. Xatırladaq ki, bundan əvvəlki iki ildə də poulu alan Niko finişi birinci keçə bilməmişdi. Bu, onun cari mövsümdəki 9-cu, karyerasında isə 23-cü qələbəsidir. O, qələbə sayında üçqat dünya çempionu Nelson Pikeyə çatıb.

Suzukada Formula1 tarixində çox nadir olan hadisə baş verib  – sürücülərin hamısı finişə çatıb.

Çempionatda Həmiltonla arasındakı xal fərqini 33-ə çatdıran Niko sona 4 yarış qalmış, çempionluğa daha bir addım yaxınlaşıb. Bütün yarışları hətta ikinci yerdə başa vurmaq çempionluq üçün kifayət edir.

Mercedes AMG yarışı 40 xalla başa vurub və ardıcıl 3-cü dəfə Mühəndislər Kubokunda çempionluğunu təmin edib.

Növbəti yarış 2 həftə sonra Ostində baş tutacaq…

YerNSürücüKomandaZamanPit
16Niko RosberqMercedes AMG1:26:43.3332
233Maks FerstappenRed Bull+ 0:04.9782
344Lyuis HəmiltonMercedes AMG+ 0:05.7762
45Sebastyan FettelFerrari+ 0:20.2692
57Kimi RəykkönenFerrari+ 0:28.3702
63Daniel RikkardoRed Bull+ 0:33.9412
711Serxio PeresForce İndia+ 0:57.4952
827Niko HülkenberqForce İndia+ 0:59.1772
919Felipe MassaWilliams+ 1:37.7631
1077Valtteri BottasWilliams+ 1:38.3231
118Roman QrojanHaas+ 1:39.2542
1230Colion PalmerRenault+ 1 dövrə1
1326Daniel KvyatToro Rosso+ 1 dövrə2
1420Kevin MaqnussenRenault+ 1 dövrə1
159Markus ErikssonSauber+ 1 dövrə1
1614Fernando AlonsoMcLaren+ 1 dövrə2
1755Karlos SaynsToro Rosso+ 1 dövrə2
1822Censon BattonMcLaren+ 1 dövrə2
1912Felipe NasrSauber+ 1 dövrə1
2021Esteban QutyerresHaas+ 1 dövrə2
2131Esteban OkonManor+ 1 dövrə2
2294Paskal VerlyaynManor+ 1 dövrə2

Sürətli dövrə: Sebastyan Fettel (Ferrari) – 1:35.118 (36-cı dövrə, 219.781 km/saat)

 

SÜRÜCÜLƏRİN ÇEMPİONATI:

YerNSürücüÖlkəKomandaXal
16Niko RosberqMercedes AMG F1 Team313
244Lyuis HəmiltonMercedes AMG F1 Team280
33Daniel RikkardoRed Bull Racing212
47Kimi RəykkönenScuderia Ferrari170
533Maks FerstappenRed Bull165
65Sebastyan FettelScuderia Ferrari165
777Valtteri BottasWilliams Martini Racing81
811Serxio PeresSahara Force İndia F1 Team80
927Niko HülkenberqSahara Force İndia F1 Team54
1019Felipe MassaWilliams Martini Racing43
1114Fernando AlonsoMcLaren Honda Formula 1 Team42
1255Karlos SaynsScuderia Toro Rosso30
138Roman QrojanHaas F1 Team28
1426Daniil KvyatScuderia Toro Rosso25
1522Censon BattonMcLaren Honda Formula 1 Team19
1620Kevin MaqnussenRenault Sport Formula 1 Team7
1730Colion PalmerRenault Sport Formula 1 Team1
1894Paskal VerlyaynManor Racing MRT1
1947Stoffel VandornMcLaren Honda Formula 1 Team1

 

MÜHƏNDİSLƏR KUBOKU:

YerKomandaMotorXal
1Mercedes AMG F1 TeamMercedes593
2Red Bull RacingTAG Heuer385
3Scuderia FerrariFerrari325
4Sahara Force India F1 TeamMercedes134
5Williams Martini RacingMercedes124
6McLaren Honda Formula 1 TeamHonda62
7Scuderia Toro RossoFerrari47
8Haas F1 TeamFerrari28
9Renault Sport Formula 1 TeamRenault8
10Manor Racing MRTMercedes1

Son Xəbərlər

İnformasiya

Bölüm Xəbərlər
Mənbə
Baxış Sayı 262
Teqlər , , , , ,
Paylaş

logo