16 Dekabr 2017, Şənbə - 19:04

Y.Haseqava: “Evimizdə gözləmədiyimiz nəticə aldıq”

Y.Haseqava: “Evimizdə gözləmədiyimiz nəticə aldıq”

Müəllif: Rauf Hacıyev, redaktor

15:49 - 12 Oktyabr, 2016

McLaren Honda komandası ikinci evi adlandırdıqları Yaponiya yarışında gözləntiləri qarşılaya bilməmişdi və fanlarını məyus etmişdi.

F-1.az xatırladır ki, Fernando Alonso yarışı 16-cı, Censon Batton isə 18-ci yerdə bitirərək, xal zonasından uzaq qalmışdılar.

Yasuke Haseqava bildirib ki, bu nəticə onları məyus edib və Amerika yarışında bunu kompensə edəcəklər: “Çətin yarış olacağını bilirdik, amma bu qədər geridə qalmaq bizi məyus etdi. Suzukada geridə başlasanız, ötmə etmək sizin üçün çətin olur.

Startda işlər istədiyimiz kimi getməyəndən sonra yarışın bizim üçün çətin keçəcəyini bilirdik. Bu cür uzun təqvimdə qarşınıza sizin üçün əlverişli olmayan traslar çıxa bilər. Buna görə də, bu nəticəni analiz edib təkrarlanmaması üçün əlimizdən gələni edəcəyik. Önümüzdə Amerika yarışı var və orada ilk onluğa düşməyi hədəfləyirik. Ümid edirik ki, işlər istədiyimiz kimi gedər”.


Son Xəbərlər

İnformasiya

Bölüm Xəbərlər
Mənbə
Baxış Sayı 119
Teqlər , ,
Paylaş

logo