20 Oktyabr 2018, Şənbə - 04:10

Xeres, 28 yanvar

Xeres, 28 yanvar

Müəllif: Rəhim N.Əliyev, baş redaktor

05:54 - 11 Yanvar, 2014

Quru. Buludlu. Havanın temperaturu +6°-14° C, trasın temperaturu +6°-21° C Yeni maşınların hazırlanmasına həsr olunmuş mövsümlərarası fasilə arxada qalıb, bu […]

Quru. Buludlu. Havanın temperaturu +6°-14° C, trasın temperaturu +6°-21° C

Yeni maşınların hazırlanmasına həsr olunmuş mövsümlərarası fasilə arxada qalıb, bu gün isə yeni reqlament üzrə yeni mövsüm başlayıb. Bu il qaydalar çox ciddi dəyişib, konstruktorlar yeni layihələrə ağ vərəqdən başlamaq şansı əldə ediblər və yanvarın 28-də Xeresdə ilk testlər start alıb…

Səhər üç komanda yeni maşınını təqdim edib – Mercedes AMG, Red Bull və Force İndia, Caterham komandası da səhərə mərasim planlaşdırsa da, maşın yalnız test gününün sonunda trasa çıxıb, axşam isə komanda jurnaslitlərə yeni maşının relizlərini paylayıb.

İki komanda testlərdə iştirak etməyib. Lotus hələ əvvəldən elan etmişdi ki, Xeres testlərinə qatılmayacaq – komanda aerodinamik boruda işləməyə üstünlük verərək Bəhreyndə baş tutacaq son iki test seriyasına hazırlaşır. Marussia komandası isə texniki problemlərlə üzləşib və maşını bazada saxlamalı olub, amma bu gün axşama yaxın məlum olub ki, maşın artıq Xeresə göndərilib.

Digər komandalar isə standart proqramla işə başlayıblar – baza yoxlanmaları və əsas sistemlərin işləməsinə nəzarət. Trasa birinci olaraq Lyuis Həmilton yeni Mercedes W05-in sükanı araxsında çıxıb – komanda keçən həftə Silverstounda çəkiliş günü çərçivəsində maşını artıq yoxlamışdı, ona görə də Xeresdə dərhal işə başlayıb.

test1-2
Amma testlərin ilk günü komanda üçün uğurlu alınmayıb – düz yolda ön antiqanad bərkidildiyi yerdən qopub, maşın idarəetməni itirib, trasdan çıxıb və qoruyucu baryerlərə çırpılıb. Bununla da Lyuisin işi başa çatıb – yeni antiqanad Xeresə ancaq sabah çatacaq, sükan arxasında isə Niko Rosberq çalışacaq.

Birinci qırmızı bayarqların dalğalanmasına isə Kimi Rəykkönen səbəb olub – yeni F14 T trasdakı ilk dövrəsini başa vurmayıb, mexaniklər motordan siqnal almadıqları üçün ehtiyat baxımından sürücüdən maşını saxlamağı xahiş ediblər.

Testlərin ikinci saatı başa çatdıqdan sonra Serxio Peresin maşını trasda dayanıb. Növbəti qırmızı bayarqlar Lyuis Həmiltonun qəzasından sonra göstərilib. Toro Rosso-nun sürücüsü Jan Erik Vern marşalları daha bir dəfə qırmızı bayraq çıxarmağa məcbur edib.

test1-3
Komandalardan heç biri problemsiz ötüşməyib, amma testlərin məqsədi məhz problemləri müəyyən edərək aradan qaldırmaqdır. Bəzi maşınlar yalnız nahardan sonra trasa çıxa biliblər. McLaren komandası isə bu gün heç debüt edə bilməyib – kiçik bir detalın səhv yığılması bütün şassinin sökülərək yenidən yığılması ilə nəticələnib.

Günün ən böyük məsafəsini Kimi Rəykkönen qət edib, elə ən sürətli nəticəni də finlandiyalı sürücü göstərib və ilk testlərin protokollarına başçılıq edib. Sabah testlər davam edəcək…

Nəticələr belə olub:

YerPilotKomandaMotorVaxtFərqDövrə
01K.RəykkönenFerrariFerrari1:27.10431
02L.HəmiltonMercedes AMGMercedes1:27.820+ 0:00.71618
03V.BottasWilliamsMercedes1:30.082+ 0:02.9787
04S.PeresForce İndiaMercedes1:36.530+ 0:09.42611
05J.E.VernToro RossoRenault1:38.434+ 0:11.33015
06E.QutyerresSauberFerrari1:42.257+ 0:15.1537
07S.FettelRed BullRenault3
08M.EriksonCaterhamRenault1

Son Xəbərlər

İnformasiya

Bölüm Testlər
Mənbə
Baxış Sayı 270
Teqlər ,
Paylaş

logo