23 Oktyabr 2017, Bazar ertəsi - 02:39

V.Bottas: “İkinci olmalı idim”

V.Bottas: “İkinci olmalı idim”

Müəllif: Rauf Hacıyev, redaktor

19:15 - 26 Avqust, 2017

Belçikadakı sıralanma turunda 3-cü yeri tutan Valtteri Bottas bildirib ki, Həmiltondan yavaş qalmasının səbəbini bilmir.

F-1.az xatırladır ki, finlandiyalı sürücü poul qazanan komanda yoldaşı Həmiltondan 0.5 saniyə geridə qalaraq, 3-cü olub.

Valtteri Bottas: “Bu həftəsonu səbəbini bilmədiyim hallara görə poul uğrunda mübarizə apara bilmədim. Lyuis fərqli səviyyədə idi və ona çata bilmədim. Buna görə də əsəblərim bir az pozulub. Niyə belə olduğunu bilməliyəm. Bolidin balansı yaxşıdır. Amma qəribə formda asfaltla ilişmə azdır. Buna görə də yüksək sürətli döngələrdə çox vaxt itirirəm. Bəlkə poul uğrunda mübarizə çətin olardı, amma ikinci olmaq gözəl olardı. Sebstyanı qabaqlamalı idim. İkinci cərgədəyəm və yarışda güclü olacağımıza əminəm. Burada hər şey ola bilər. Hava şəraiti də dəyişə bilər”.


Son Xəbərlər

İnformasiya

Bölüm Xəbərlər
Mənbə
Baxış Sayı 4. 864
Teqlər , , , ,
Paylaş

logo