F-1.az xatırladır ki, finlandiyalı sürücü ötürmələr qutusunu dəyişdirdiyi üçün yarışa 6-cı yerdən başlasa da, son dövrələrdə Rikkardoya yaxınlaşıb, amma hücum edə bilməyib.
Valtteri Bottas: “Gözəl strategiya seçdik və buna görə də yarışın sonunda daha güclü idik. Amma işlər istədiyimiz kimi getmədiyi üçün məyusam. Məqsədimiz podiuma çıxmaq idi, amma Red Bull-u keçə bilmədik. Bir neçə dövrə olsa, hücum edəcək qədər yaxınlaşardım.
Sebastyan ilə aradakı xal fərqini 13-ə endirdim və hədəfim çempionatda ikinci yeri tutmaqdır. Lyuisə çatmaq isə real deyil. Növbəti 4 yarışda var qüvvəmlə yarışıb Fetteli keçməyə çalışacam”.
