22 Noyabr 2017, Çərşənbə - 20:46

Toyota yeni TS050-ni təqdim edib

Toyota yeni TS050-ni təqdim edib

Müəllif: Rauf Hacıyev, redaktor

14:31 - 26 Mart, 2016

Toyota şirkəti 2016-cı ildə Dünya Dözümlülük Çempionatında (WEC) yarışacağı avtomobili təqdim edib. Avtomobilin modeli TS050 Hybrid LMP1-dir.

F-1.az xəbər verir ki, Toyota bu il WEC-də iki avtomobil ilə yarışacaq və komandanın sürücü heyəti Əntoni Dəvidson, Sebastyan Buemi, Kazuki Nakacima, Mayk Konvey, Stefan Sarrazen və Kamui Kobayaşidən ibarət olacaq.

Yeni TS050-nin rəng çalarları da dəyişdirilib. Yeni atomobil artıq mavi yox, qara, ağ və qırmızı rənglərdə olacaq.

Toyota keçən il Porche və Audi ilə mübaizə aparmışdı və builki avtomobillərində hibrid sistemlərdə dəyişiklik edilməyib. Yaponlar bu il çempionluq üçün ən böyük favoritlərdən biri sayılır.

Komandanın rəhbəri Toşio Sato yeni avtomobil barədə təəssüratlarını bildirib: “Bu il Toyota Gazoo Racing üçün həyəcanlı keçəcək. Çünki bizim yeni avtomobilimiz və yeni güс qurğumuz var.

Yarış avtomobili ilə yol avtomobilləri arasında oxşarlıqlar var və beləliklə biz yol avtomobillərinə rahatlıqla texnologiya transferi edə biləcəyik.

Biz WEC-də qalib gəlmək üçün yarışırıq, amma birincilikdən əlavə ana firmamıza da texnoloji cəhətdən kömək etmək istəyirik.

Biz insanlara göstərmək istəyirik ki, Toyota-nın yol avtomobilləri yarış avtomobilləri qədər güclüdür”.

Qalereya


Son Xəbərlər

İnformasiya

Bölüm WEC
Mənbə
Baxış Sayı 511
Teqlər , , , , , , ,
Paylaş

logo