F-1.az TRF1.net resursuna istinadən xəbər verir ki, Türkiyə Avtoidman Federasiyasının (TOSFED) rəhbəri Sərkan Yazıçı ölkədə avtoidmanın yenidən inkişaf etdirilməsi məqsədi ilə FİA prezidenti Jan Todtla görüşüb. O, bundan əvvəl WRC rəhbərliyi ilə də görüşmüşdü.
Jan Todtun iştitakı ilə keçirilən yığıncaqda ölkədə avtoidmanın inkişafı ilə bağlı fikir mübadiləsi aparılıb, TOSFED və FİA-nın birlikdə bəzi sosial layihələri icra etməsi məsələsi müzakirə olunub.
Sərkan Yazıçı: “Görüş səmərəli keçdi. Biz birlikdə görə biləcəyimiz işlərlə bağlı müzakirələr apardıq”.
Görüş barədə geniş məlumatın növbəti günlərdə verilməsi gözlənilir.
