17 Dekabr 2017, Bazar - 17:58

T.Volff: “Verlyaynın dürüstlüyü təsirləndirdi”

T.Volff: “Verlyaynın dürüstlüyü təsirləndirdi”

Müəllif: Rauf Hacıyev, redaktor

15:04 - 04 Aprel, 2017

Mercedes Motorsport-un rəhbəri Toto Volff 2017-ci il mövsümündə ikinci yarışa da çıxa bilməyəcək Paskal Verlyaynı müdafiə edib.

F-1.az xatırladır ki, Verlyayn yanvar ayında Çempionlar Yarışında ağır qəza keçirmiş və fiziki cəhətdən hazır olmadığı üçün Avstraliya yarışında iştirak etməkdən imtina etmişdi. Almaniyalı sürücü eyni səbəbə görə Çin QP-də də iştirak etməyəcək.

Toto Volff: “Paskalı başa düşə bilirəm. Çünki bəxti gətirmədi və ağır qəza keçirdi. Amma Melburnda komandasına “hazır deyiləm” deməklə dürüstlük etdi. Bu, məni təsirləndirdi, çünki öz mənfəətini düşünüb yarışa bilərdi. Bu gözəl davranışla komanda daxilindəki hörməti və dəyəri çox yüksəldi. İndi isə ideal formaya qayıtmalı və güclü formada geri dönməlidir. Yarışlara qayıtdıqda əvvəlki Paskal olduğunu hamıya göstərəcək”.

Volff Mercedes akademiyasının digər sürücüsü Esteban Okona da təriflər yağdırıb: “Esteban ilk yarışında Hülkenberq və Alonso ilə mübarizə apararaq Formula1 karyerasında ilk xalını qazandı. Onun bu çıxışından fəxr duyuram”.


Son Xəbərlər

İnformasiya

Bölüm Xəbərlər
Mənbə
Baxış Sayı 2. 081
Teqlər , , , ,
Paylaş

logo