Uzun sürən susqunluqdan sonra Mixael Şumaxerin mətbuat katibi və meneceri Sabine Kem qısa bəyanatla çıxış edib – almaniyalı jurnalistlər bəyanatı sosial şəbəkələrdə paylaşıblar. Onun sözlərində əsas diqqət sürücünün sağlamlığına deyil, onun taleyinə laqeyd olmayan azarkeşlərinə yönəlib…
Sabine Kem: “Təəssüf ki, mən bir daha təkrar etməliyəm ki, onu müalicə edən həkimlərdən və onun menecmentindən eşitmədiyiniz məlumatlara etibar etməyin, bunları şayiə kimi qəbul edin.
Eyni zamanda, təkrar edirəm ki, Mixaelin ailəsi həkimlərin müalicə aparmasından tam razıdır və onlara tam etibar edirlər. Mixaelin vəziyyəti əvvəlki kimi stabildir.”
