26 Sentyabr 2018, Çərşənbə - 12:47

Sinqapur Qran Prisi: Yarış

Sinqapur Qran Prisi: Yarış

Müəllif: Rəhim N.Əliyev, baş redaktor

20:04 - 02 Oktyabr, 2012

Quru. Qaranlıq. Havanın temperaturu +29° C, trasın temperaturu +30° C Dünən Lyuis Həmilton növbəti inamlı poulunu qazanmışdı – mövsümdə 5-ci […]

Quru. Qaranlıq. Havanın temperaturu +29° C, trasın temperaturu +30° C

Dünən Lyuis Həmilton növbəti inamlı poulunu qazanmışdı – mövsümdə 5-ci və McLaren üçün ardıcıl 4-cü poul. Pastor Maldonado sürpriz edərək ikinci olmuşdu, ikinci cərgəni isə Sebastyan Fettel və Censon Batton qazanmışdılar. Çempionatın lideri Fernando Alonso isə yalnız 5-ci ola bilmişdi.

İki sürücü ötürmələr qutusunun dəyişdirilməsi üzündən startda 5 yer itirməklə cərimələnmişdi – Bruno Senna və Pedro de la Rosa.

Startdan əvvəl avtodromda keçən həftə dünyasını dəyişmiş Formula1-in əfsanəvi həkimi Sid Uotkinsin xatirəsi bir dəqiqəlik sükutla yad edilib.

Hülkenberq, Peres, Vern, Kobayaşi, Qlok, Pik və de la Rosa starta Soft təkərlərlə çıxıblar, digər sürücülər isə SuperSoft təkərlərinə üstünlük veriblər.

Startda Həmilton poulun üstünlüyünü qoruyub, Fettel və Batton Maldonadonu üstələyiblər. Petrov insidentlə üzləşib və ön antiqanadı qırılıb, Massanın isə təkəri deşilib – hər iki sürücü boksa yollanıb. 2-ci dövrədə ilk onluq: Həmilton – Fettel – Batton – Maldonado – Alonso – di Resta – Uebber – Qrojan – Rosberq – Şumaher.

Həmilton Fetteldən uzaqlaşmağa başlayıb, Fettel isə öz nvöbəsində Battondan uzaqlaşıb, amma bir neçə dövrədən sonra Censon fərqi azaltmağa başlayıb.

7-ci dövrədə Uebber planlı pit-stoplar dalğasına start verib. 9-cu dövrədə Fettel və Senna pit-stopa yollanıblar. Trasa qayıdan Sebastyan dərhal Peresi keçib. 10-cu dövrədə Alonso, Şumaher və Rikkardo, 11-ci dövrədə Həmilton, di Resta, Rosberq və Vern, 12-ci dövrədə Maldonado və Rəykkönen, 13-cü dövrədə Batton, Qrojan və Kobayaşi yeni təkər dəst alıblar. Alonso hələ pit-stop keçirməmiş Peres və Hülkenberqi üstələyib – hər iki sürücü 17-ci dövrədə mexaniklərinin yanına yollanıblar. 19-cu dövrədə ilk onluq: Həmilton – Fettel – Batton – Maldonado – Alonso – di Resta – Uebber – Rosberq – Qrojan – Şumaher. İlk pit-stoplardan sonra Rosberq Qrojanı qabaqlayıb.

23-cü dövrədə yarışa liderlik edən Həmilton maşınını saxlamalı olub – britaniyalı sürücünün maşınında ötürmələr qutusu sıradan çıxıb. Liderliyi Fettel ələ alıb.

24-cü dövrədə Senna, 27-ci dövrədə Uebber, 28-ci dövrədə Alonso və Maldonado, 29-cu dövrədə Kobayaşi, 31-ci dövrədə Rəykkönen pit-stopa baş çəkiblər. Elə bu zaman Kartikeyan qəzaya uğrayıb, trasa Təhlükəsizlik Maşını çıxıb, sürücülər hamısı boksa tələsiblər. TM-in arxasında ilk onluq: Fettel – Batton – Alonso – di Resta – Hülkenberq – Uebber – Peres – Rosberq – Qrojan – Maldonado. Venesuelalı sürücünün mühəndisi maşında hidravlik problemlər barədə məlumat verib və Pastor maşını saxlamalı olub – Vern onluğa daxil olub.

38-ci dövrədə restart elan olunub, Fettel liderliyini qoruyub saxlayıb, Hülkenberq Uebberi qabaqlasa da, Mark mövqeyini geri qaytara bilib. 14-cü döngənin əylənmə sahəsində Şumaher Vernin maşınına arxadan çırpılıb – TM yenidən trasa qayıdıb: Uebber, Hülkenberq, Peres və Petrov boksa tələsiblər. TM-in arxasında ilk onluq: Fettel – Batton – Alonso – di Resta – Rosberq – Qrojan – Rəykkönen – Rikkardo – Senna – Massa.

Restartda Fettel liderliyini qoruyub, Massa Sennanı qabaqlayıb – müqavimət göstərən Bruno Felipenin maşınını sıxışdırıb. 45-ci dövrədə Massa Rikkardonu üstələyərək 8-ci yerə yüksəlib. Mühəndisin göstərişi ilə Roman komanda yoldaşını irəli buraxıb Peres və Hülkenberq toqquşublar, Uebber Kobayaşini keçib, fürsətdən istifadə etməyə çalışıan Hülkenberq bu dəfə Kobayaşi ilə toqquşub – hər iki sürücü boksa yollanıb. 50-ci dövrədə ilk onluq: Fettel – Batton – Alonso – di Resta – Rosberq – Rəykkönen – Qrojan – Massa – Rikkardo – Senna.

Uebber trasdan çıxmaqla Sennanı keçib və Rikkardo ilə mübarizəyə atılıb. Son dövrədə Peres Sennanı keçib və braziliyalı sürücü maşınını saxlamalı olub – Williams komandası üçün daha bir uğursuz yarış.

Sebastyan Fettel isə karyerasında 23-cü, mövsümdə isə 2-ci qələbəsini qazanıb. Censon Batton 2-ci, Fernando Alonso isə 3-cü olub. Pol di Resta karyerasının ən yaxşı nəticəsini göstərib.

İki həftədən sonra Suzukada komandalar mübarizəni davam etdirəcəklər.

YerPilotKomandaMotorVaxt
01S.FettelRed BullRenault2.00:26.144
02C.BattonMcLarenMercedes+ 0:08.959
03F.AlonsoFerrariFerrari+ 0:15.227
04P.di RestaForce İndiaMercedes+ 0:19.063
05N.RosberqMercedes AMGMercedes+ 0:34.784
06K.RəykkönenLotusRenault+ 0:35.759
07R.QrojanLotusRenault+ 0:36.698
08F.MassaFerrariFerrari+ 0:42.829
09D.RikkardoToro RossoFerrari+ 0:45.820
10S.PeresSauberFerrari+ 0:50.619
11M.Uebber (**)Red BullRenault+ 1:07.175
12T.QlokMarussiaCosworth+ 1:31.918
13K.KobayaşiSauberFerrari+ 1:37.141
14N.HülkenberqForce İndiaMercedes+ 1:39.413
15H.KovalaynenCaterhamRenault+ 1:47.967
16Ş.Pik (*)MarussiaCosworth+ 2:12.925
17P.de la RosaHRTCosworth+ 1 dövrə
18B.SennaWilliamsRenault+ 2 dövrə
19V.PetrovCaterhamRenault+ 2 dövrə
J.E.VernToro RossoFerrari
M.ŞumaherMercedes AMGMercedes
P.MaldonadoWilliamsRenault
N.KartikeyanHRTCosworth
L.HəmiltonMcLarenMercedes

Sürətli dövrə: Niko Hülkenberq (Force İndia) – 1:51.033 (52-ci dövrə).

Qeyd: (*) – 3-cü sərbəst yürüşlərdə qırmızı bayraqlara məhəl qoymadığı üçün Şarl Pikin yekun nəticəsinə 20 saniyə əlacə olunub.

Qeyd: (**) – Trasdan çıxmaqla ötməyə görə Mark Uebberin yekun nəticəsinə 20 saniyə əlacə olunub.

Turnir cədvəli:

YerPilotKomandaMotorXal
01F.AlonsoFerrariFerrari194
02S.FettelRed BullRenault165
03K.RəykkönenLotusRenault149
04L.HəmiltonMcLarenMercedes142
05M.UebberRed BullRenault132
06C.BattonMcLarenMercedes119
07N.RosberqMercedes AMGMercedes93
08R.QrojanLotusRenault82
09S.PeresSauberFerrari66
10F.MassaFerrariFerrari51
11M.ŞumaherMercedes AMGMercedes43
12K.KobayaşiSauberFerrari35
13P.di RestaForce İndiaMercedes44
14N.HülkenberqForce İndiaMercedes31
15P.MaldonadoWilliamsRenault29
16B.SennaWilliamsRenault25
17J.E.VernToro RossoFerrari8
18D.RikkardoToro RossoFerrari6
19T.QlokMarussiaCosworth0
20H.KovalaynenCaterhamRenault0
21V.PetrovCaterhamRenault0
22J.D’AmbrozioLotusRenault0
23Ş.PikMarussiaCosworth0
24N.KartikeyanHRTCosworth0
25P.de la RosaHRTCosworth0

Mühəndislər Kuboku:

YerKomandaMotorXal
01Red BullRenault297
02McLarenMercedes261
03FerrariFerrari245
04LotusRenault231
05Mercedes AMGMercedes136
06SauberFerrari101
07Force İndiaMercedes75
08WilliamsRenault54
09Toro RossoFerrari14
10MarussiaCosworth0
11CaterhamRenault0
12HRTCosworth0

Sinqapur Qran Prisi: Yarış

Sinqapur Qran Prisi: Yarış

Müəllif: Rəhim N.Əliyev, baş redaktor

14:34 - 02 Oktyabr, 2011

Quru. Qaranlıq. Havanın temperaturu +31° C, trasın temperaturu +33° C Sinqapurda çox şey sıralanma turundan, startdan, yarış məsafəsində təkərdən istifadə […]

Quru. Qaranlıq. Havanın temperaturu +31° C, trasın temperaturu +33° C

Sinqapurda çox şey sıralanma turundan, startdan, yarış məsafəsində təkərdən istifadə strategiyasından və Təhlükəsizlik Maşınından asılıdır. Sərbəst yürüşlərdən sonra sürücülər arxa təkərlərin həddən çox qızamsından və tez yeyilməsindən narazı qalmışdılar, ona görə də şənbə günü bir çox sürücülər yarışa təzə təkər dəstləri saxlamağa çalışmışdılar.

Son nəticədə ilk onluğa beş komanda tam heyətlə düşmüşdü və hər bir komanda bir cərgəni tutmuşdu – birinci cərgəni isə ənənəvi olaraq Red Bull sürücüləri zəbt etmişdilər. Onların arxasından McLaren, Ferrari, Mercedes GP və Force İndia sürücüləri yarışa başlamalı idilər.

Startda Fettel poulun üstünlüyünü saxlayıb, Batton ikinci yerə yüksəlib, Uebber dördüncü, Həmilton isə səkkizinci yerə düşüb. Rikkardonun maşınında burun elementi sındığı üçün boksa getməli olub.

Həmilton 4-cü dövrədə Şumaheri, 5-ci dövrədə isə Rosberqi keçib, həmin anda Fettelin Batton üzərində üstünlüyü 7 saniyəyə çatıb.

10-cu dövrədə Rosberq boksa yönəlib, Uebber Alonsonu qabaqlayıb və üçüncü yerə yüksəlib, Fernando isə pit-stopa tələsib. 11-ci döngədə Şumaher, 12-ci dövrədə isə Massa və Həmilton təkərlərini dəyişiblər. Lyuis Felipeyə hücum edib, təmas baş verib, britaniyalı sürücünün ön antiqanadı sınıb, braziliyalı sürücünün isə arxa təkəri deşilib. Stüardlar Həmiltonu pit-leyndən keçməklə cərimələyiblər.

13-cü dövrədə Uebber, 14-cü dövrədə Fettel və Batton yeni təkər dəstlərinə keçiblər. Şumaher və Sutil təkərləri yeyilmiş Kobayaşini asanlıqla ötüblər.

23-cü dövrədə Rosberq ikinci pit-stoplar dalğasına start verib, onun ardınca Massa və Şumaher eyni addımı atıblar. 26-cı dövrədə mexaniklər Alonsonun maşınına qulluq ediblər.

28-ci dövrədə Mercedes GP komandasının sürücüləri Serxio Peresi təkləyiblər – Rosberq meksikalı sürücünü uğurla keçib, Şumaher isə Serxionun maşınına ilişib və baryerlərə çırpılıb. Təhlükəsizlik Maşını (TM) trasa çıxıb.

34-cü dövrədə restart verilib – Fettel liderliyini qoruyub, Uebber 10-cu döngədə Alonsonu qabaqlayıb, Həmilton Peresi, Sutili, Rosberqi və di Restanı keçərək beşinci yerə yüksəlib. Kobayaşi mavi bayraqlara məhəl qoymadığı üçün pit-leyndən keçməklə cərimə olunub.

42-ci dövrədə Massa pit-stopa gedib, 46-cı dövrədə Maldonado, 48-cidə Uebber, 49-cuda Batton və Həmilton, 50-cidə Fettel və Alonso sonuncu təkərdəyişmələrini ediblər. İlk beşlikdə yerdəyişmə baş verməyib, Fettel böyük üstünlüklə liderliyini davam etdirib.

Həmilton bir daha Peresi, Sutili, Rosberqi və di Restanı qabaqlayıb, Massa isə Barrikellonu keçərək ilk onluğa daxil olub.

60-cı dövrədə Algersuari qəzaya uğrayıb, amma yarışın direktoru TM-i bir daha trasa buraxmayıb, Massa sonuncu dövrədə Peresi keçərək 9-cu olub.

Sebastyan Fettel isə son dövrələrdə güclü trafikə düşməsinə, Censonun aradakı fərqi kəskin azaltmasına baxmayaraq, inamla mövsümdə 9-cu qələbəsini qazanıb – karyerasındakı qələbələrin sayı 19-a çatıb. Batton və Uebber podiuma qalxıblar – çempion titulunun müqədərratı Suzukaya qədər təxirə salınıb: iki həftədən sonra bizi daha bir maraqlı yarış gözləyir!

YerPilotKomandaMotorVaxt
01S.FettelRed BullRenault1.59:06.537
02C.BattonMcLarenMercedes+ 0:01.737
03M.UebberRed BullRenault+ 0:29.279
04F.AlonsoFerrariFerrari+ 0:55.449
05L.HəmiltonMcLarenMercedes+ 1:07.766
06P.di RestaForce İndiaMercedes+ 1:51.067
07N.RosberqMercedes GPMercedes+ 1 dövrə
08A.SutilForce İndiaMercedes+ 1 dövrə
09F.MassaFerrariFerrari+ 1 dövrə
10S.PeresSauberFerrari+ 1 dövrə
11P.MaldonadoWilliamsCoswort+ 1 dövrə
12S.BuemiToro RossoFerrari+ 1 dövrə
13R.BarrikelloWilliamsCosworth+ 1 dövrə
14K.KobayaşiSauberFerrari+ 2 dövrə
15B.SennaLotus Renault GPRenault+ 2 dövrə
16H.KovalaynenTeam LotusRenault+ 2 dövrə
17V.PetrovLotus Renault GPRenault+ 2 dövrə
18J.D’AmbrozioMarussia VirginCosworth+ 2 dövrə
19D.RikkardoHispaniaCosworth+ 4 dövrə
20V.LiutsiHispaniaCosworth+ 4 dövrə
21X.AlgersuariToro RossoFerrari+ 5 dövrə
Y.TrulliTeam LotusRenault
M.ŞumaherMercedes GPMercedes
T.QlokMarussia VirginCosworth

Sürətli dövrə: Censon Batton (McLaren) – 1:48.454 (54-cü dövrə).

Turnir cədvəli:

YerPilotKomandaMotorXal
01S.FettelRed BullRenault309
02C.BattonMcLarenMercedes185
03F.AlonsoFerrariFerrari184
04M.UebberRed BullRenault182
05L.HəmiltonMcLarenMercede168
06F.MassaFerrariFerrari84
07N.RosberqMercedes GPMercedes62
08M.ŞumaherMercedes GPMercedes52
09V.PetrovLotus Renault GPRenault34
10N.HaydfeldLotus Renault GPRenault34
11A.SutilForce İndiaMercedes28
12K.KobayaşiSauberFerrari27
13P.di RestaForce İndiaMercedes20
14X.AlgersuariToro RossoFerrari16
15S.BuemiToro RossoFerrari13
16S.PeresSauberFerrari9
17R.BarrikelloWilliamsCosworth4
18B.SennaLotus Renault GPRenault2
19P.MaldonadoWilliamsCoswort1
20P.de la RosaSauberFerrari0
21Y.TrulliTeam LotusRenault0
22H.KovalaynenTeam LotusRenault0
23V.LiutsiHispaniaCosworth0
24J.D’AmbrozioMarussia VirginCosworth0
25T.QlokMarussia VirginCosworth0
26N.KartikeyanHispaniaCosworth0
27D.RikkardoHispaniaCosworth0
28K.ÇandhokTeam LotusRenault0

Mühəndislər Kuboku:

YerKomandaMotorXal
01Red BullRenault491
02McLarenMercedes353
03FerrariFerrari268
04Mercedes GPMercedes114
05Lotus Renault GPRenault70
06Force İndiaMercedes48
07SauberFerrari36
08Toro RossoFerrari29
09WilliamsCosworth5
10Team LotusRenault0
11HispaniaCosworth0
12Marussia VirginRenault0

Son Xəbərlər

İnformasiya

Bölüm Xəbərlər
Mənbə
Baxış Sayı 203
Teqlər
Paylaş

logo