Almaniyanın Sport Bild qəzetinin jurnalistləri sonuncu dünya çempionu Sebastyan Fetteldən qarşıdakı mövsümdə titul uğrunda mübarizədə əsas rəqiblərinin adını çəkməyi xahiş ediblər…
Sebastyan Fettel: “Alonso çox güman ki, ciddi rəqib olacaq, eləcə də Həmilton – ən yaxşı sürücülərdən biri. Keçən il Felipe Massa mövsümü uğrusuz keçirmişdi, amma onu da qiymətləndirməmək olmaz – üç il əvvəl o, titul uğrunda mübarizə aparırdı. Məncə, Mixael Şumaherin də rəqabət göstərəcəyini gözləmək olar – Mixael necə qalib gəlməyi unutmayıb, Niko Rosberq də keçən il sürətli olmasını göstərmişdi.
Əgər bizim maşınımız keçənilki kimi rəqabətədavamlı olacaqsa, onda mənim əsas rəqibim komanda yoldaşım olacaq. Mark çox güclü sürücüdür.”
