Ferrari komandasının başçısı Stefano Domenikali Formula1 rəhbərliyini gələcəkdə texniki reqlamentlə əlaqəli qarşıdurmaları daha səmərəli və cəld həll etməyə çağırıb. Dünən FİA-nın Apelyasiya Məhkəməsi ikili diffuzorları son olaraq leqal hesab edib, amma bu elementlər hamının diqqətini hələ qış testlərindən cəlb etmişdi. Buna baxmayaraq, o zaman komandalar Brawn GP, Williams və Toyota maşınlarına qarşı formal olaraq protest verə bilməzdilər və Melburnda baş tutan ilk rəsmi texniki təftişi gözləməli olmuşdular. Bundan sonra isə FİA-nın Apelyasiya Məhkəməsini gözləmək lazım gəlib və Domenikali hesab edir ki, gələcəkdə belə problemləri daha operativ həll etmək lazımdır…
Stefano Domenikali: “Mən demək istəyirəm ki, belə hallar təkrar olunmamalıdır. Belə problemlər mövsümün əvvəlinə kimi dəqiq və aydın həll olunmalıdır. Formula1 bu hadisədən dərs almalıdır, istənilən halda, bu idmaninın imicinə xeyir vermədi.”
