S.Fettel narazı qalıb

Ferrari komandasının sürücüsü Sebastyan Fettel bildirib ki, istədiyi nəticə bu deyildi.

F-1.az xatırladır ki, almaniyalı sürücü əsas rəqiblərindən fərqli strategiya seçərək, Macarıstan yarışına Soft təkərlərlə başlayıb. Önündəki Mercedes sürücüləri pit-stop etdikdən sonra liderliyə yüksələn dördqat Dünya Çempionu pitdən sonra yenidən Bottasın gerisinə düşüb. Fettel yarışın son dövrələrində Bottasa hücum edərək, ikinciliyə yüksəlib. Lakin bundan artığı mümkün olmayıb.

Sebastyan Fettel: “Pitdə problem yaşadıq. Deyəsən, arxa tərəfdə nəsə ilişmişdi və yaxşı iş görə bilmədik. Lyuis ilə tempimiz yaxın idi. Onunla yarışa bilərdik, ancaq alınmadı. Soft təkərlərlə yaxşı start aldım, ancaq sonra pitdə problem yaşayıb Valtterinin arxasına düşdüm. Bunu planlaşdırmamışdıq. Daha sonra çox vaxt itirdik. Onu keçməyin asan olmayacağını bilirdik. Hər şeyi son 10 dövrəyə saxladım. Bacardım və xoşbəxtəm. Təbii ki, bunu istəmirdik. Ancaq mümkünsüz idi. Bottası keçərkən döngəyə çox dərin girməyə çalışdım. Güzgüdə Valtterini gördüm, amma bolid zədələnmədiyi üçün xoşbəxtəm. İndi dincəlib yay tətilinə getmək istəyirik. Fərqi bağlamaq üçün önümüzdə çox yarış var”.

, , ,

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*