20 Noyabr 2017, Bazar ertəsi - 06:11

S.Abitebul: “Red Bull bizimlə eyni mühərrikdən istifadə edəcək”

S.Abitebul: “Red Bull bizimlə eyni mühərrikdən istifadə edəcək”

Müəllif: Rauf Hacıyev, redaktor

14:40 - 04 Fevral, 2016

Renault komandasının rəhbəri Siril Abitebul bildirib ki, onlar Red Bull komandasına eynilə özlərinin istifadə etdikləri mühərriklərdən verəcəklər…

F-1.az xatırladır ki, Red Bull komandası bu il TAG Heuer brendli Renault mühərriklərindən istifadə edəcək. Amma avstriyalıların Renault komandası ilə eyni gücdə olan mühərriklərdən istifadə edib-etməyəcəyi sual olaraq qalırdı.

Dünən Paris şəhərində keçirilən mətbuat konfransında Siril Abitebul bu məsələyə aydınlıq gətirib: “Onlar bizimlə eyni gücdə olan mühərriklərdən istifadə edəcəklər. Biz onları eyni gücdə olan mühərriklərlə təmin etməyə məcburuq. Amma məlum səbəblərə görə onlara eyni brendi verə bilməyəcəyik.

Biz yenə də öz nümayəndələrimizi Red Bull komandasına göndərəcəyik. Keçən il Red Bull-un boksuna kimləri göndərmişdiksə, bu il də onları göndərəcəyik. Bir fərq orada olacaq ki, onlar keçən ilkindən fərqli paltarlar geyinəcəklər.

Dediyim kimi müqaviləyə görə Red Bull bizimlə eyni mühərrikdən istifadə etməlidir. Əgər mühərrikdə yeniliklər etsək, biz onlara yenilikləri də təqdim etməliyik.

Renault zavod komandası olsa da, Red Bull komandasına eyni mühərrikləri verəcək”.


Son Xəbərlər

İnformasiya

Bölüm Xəbərlər
Mənbə
Baxış Sayı 247
Teqlər , , , ,
Paylaş

logo