Rusiya-2018: Yarış

F-1.az xatırladır ki, yalnız birinci məşqlərdə Ferrari sürücüləri sürətli olublar – amma bunun əsas səbəbi Mercedes sürücülərinin ixtiyarında daha az HyperSoft təkərlərinin olması idi. Növbəti məşqlərdə Mercedes sürücüləri rəqiblərinə şans verməyiblər. Sıralanma turunun həlledici anında Həmilton səhvə yol verib, ona görə də poul Bottasa qismət olub – Fettelə poula yarım saniyədən çox uduzaraq ancaq 3-cü ola bilib.

Red Bull və Toro Rosso komandaları Rusiya mərhələsini güc qurğularını dəyişməyə seçiblər. Alonsonun da maşınında güc qurğusu dəyişdirilib, ona görə də bu beş sürücü – peletonun dörddə biri son cərgədən start almalı olub. Vandorn da ötürmələr qutusunu dəyişdiyi cəzalanıb, amma faktiki cəmi bir yer itirib.

Pirelli iki həftə əvvəl olduğu kimi Soçiyə HyperSoft, UltraSoft və Soft tərkiblərini gətiriblər. Amma tərkiblər arasındakı sürət fərqi Sinqapurdakı kimi olmayıb, sadəcə daha çox yanacaq ehtiyatı ilə HyperSoft tez yeyilib, ona görə də komandalar bu tərkibin yarışda istifadəsini minimuma endiriblər. Bir çox komandalar isə əvvəldə finala çıxmamağı planlaşdırıblar ki, yarışda azad təkər seçiminə malik olsunlar.

Mercedes və Ferrari sürücüləri sıralanma turunun ikinci sessiyasını UltraSoft-la keçiriblər, Renault isə sürücülərini sadəcə trasa buraxmayıb ki, finala çıxa bilməsinlər.

Starta iki saat qalmış yağış yağsa da, starta qədər asfalt quruyub. Ona görə də ilk onluqdakı altı sürücüdən başqa ancaq Hartli ən yumşaq tərkiblə start alıb, Mercedes və Ferrari sürücüləri kimi Williams və McLaren sürücüləri də UltraSoft seçiblər, digərləri isə Soft-a üstünlük veriblər.

Mercedes sürücüləri ilk cərgədən, Ferrari sürücüləri isə ikinci cərgədən start alıblar – Red Bull sürücüləri isə son cərgələrdə yer alıblar.

Startda Fettel hücuma cəhd etsə də, Bottas liderliyini qoruyub – ilk beşlikdə dəyişiklik olmayıb, Lekler isə Okonu üstələyib.

2-ci dövrədə Lekler Maqnusseni də keçərək 5-ci yerə yüksəlib. Ferstappen 3-cü dövrəni artıq 9-cu yerdə tamamlayıb. 3-cü dövrənin sonunda ilk onluq: Bottas – Həmilton – Fettel – Rəykkönen – Lekler – Maqnussen – Okon – Peres – Ferstappen – Qrojan.

3-cü dövrədə Hartli təkərlərini dəyişib. Qasli yerində fırlandıqdan sonra boksa yollanıb. Hər iki Toro Rosso sürücüsü əyləc problemi üzündən mübarizəni dayandırmalı olub.

Ferstappen isə Racing Point sürücülərini qabaqlayaraq 7-ci yerə yüksəlib. 6-cı dövrədə Alonso yeni təkərlərə keçib. 7-ci dövrədə Ferstappen Maqnusseni, növbəti dövrədə isə Lekleri üstələyərək 5-ci yerə qalxıb. 8-ci dövrədə Stroll təkərlərini dəyişib. Qrojan 3 yer itirdikdən sonra yeni təkərlər dalınca boksa tələsib. 9-cu dövrədə Rikkardo Erikssonu qabaqlayaraq, ilk onluğa daxil olub. 10-cu dövrənin sonunda ilk onluq: Bottas – Həmilton – Fettel – Rəykkönen – Ferstappen – Lekler – Maqnussen – Okon – Peres – Rikkardo.

10-cu dövrədə Maqnussen, 11-ci dövrədə Lekler, Okon və Sirotkin, 12-ci dövrədə Eriksson və Vandorn, 13-cü dövrədə Bottas və Peres mexaniklərinə baş çəkiblər. 14-cü dövrədə Fettel yeni təkərlərlə trasa Bottasın arxasında qayıdıb və sürətini artırıb. 15-ci dövrədə Həmilton pit-stopa yollanıb və trasa Sebastyanın arxasında qayıdıb.

Lyuis növbəti dövrədə dərhal hücuma atılıb. Onun ilk həmləsini Sebastyan dəf edib, amma ikinci həmləsində sonra Lyuis irəli çıxa bilib.

18-ci dövrədə Rəykkönen də təkərlərini dəyişib, Okon və Peres Saynsı üstələyiblər. Hələ boksa getməyən Ferstappen yarışa başçılıq edib.

Fettel Həmiltonla fərqli azaltdığına görə 25-ci dövrədə Bottas komandanın xahişi ilə Lyuisi irəli buraxıb. Racing Point komandası da Okondan xahiş edib ki, Peresi irəli buraxsın – Serxio öz növbəsində Maqnusseni keçməyə cəhd edib.

34-cü dövrədə Sayns, 35-ci dövrədə isə Hülkenberq Renault komandasının mexaniklərinin qonağı olublar. Peres 10 dövrə ərzində Maqnusseni keçə bilmədiyi üçün mövqeyini Okona qaytarmalı olub.

38-ci dövrədə Eriksson, bir dövrə sonra isə Rikkardo yeni təkərlərə keçiblər. 44-cü dövrənin sonunda ilk onluq: Həmilton – Bottas – Fettel – Rəykkönen – Ferstappen – Rikkardo – Lekler – Maqnussen – Okon – Peres.

Lyuis Həmilton Rusiya Qran Prisini öndə başa vuraraq, karyerasında 70-ci, mövsümdə isə 8-ci qələbəsini qazanıb. Britaniyalı sürücünün Fettel üzərindəki üstünlüyü 50 xala çatıb. Mercedes isə Soçidə keçirilən 5-ci yarışda 5-ci qələbəsini bayram edib.

Valtteri Bottas finişdə ikinci olub – Mercedes mövsümdə 3-cü qələbə dubluna sevinib. Sebastyan Fettel isə podiumu tamamlayıb.

Artıq gələn həftə mübarizə Suzukada davam edəcək…

Sürətli dövrə: Valtteri Bottas (Mercedes) – 1:35.861 (50-ci dövrə, 219.617 km/saat).

MÜBARİZƏNİ DAYANDIRANLAR:

SÜRÜCÜLƏRİN ÇEMPİONATI:

Yer	N	Sürücü	Ölkə	Komanda	Xal
1	44	Lyuis Həmilton		Mercedes AMG Petronas Motorsport	306
2	5	Sebastyan Fettel		Scuderia Ferrari	256
3	77	Valtteri Bottas		Mercedes AMG Petronas Motorsport	189
4	7	Kimi Rəykkönen		Scuderia Ferrari	186
5	33	Maks Ferstappen		Aston Martin Red Bull Racing	158
6	3	Daniel Rikkardo		Aston Martin Red Bull Racing	134
7	20	Kevin Maqnussen		Haas F1 Team	53
8	27	Niko Hülkenberq		Renault Sport Formula 1 Team	53
9	14	Fernando Alonso		McLaren F1 Team	50
10	11	Serxio Peres		Racing Point Force India	47
11	31	Esteban Okon		Racing Point Force India	47
12	55	Karlos Sayns		Renault Sport Formula 1 Team	38
13	10	Pyer Qasli		Red Bull Toro Rosso Honda	28
14	8	Roman Qrojan		Haas F1 Team	27
15	16	Şarl Lekler		Alfa Romeo Sauber F1 Team	21
16	2	Stoffel Vandorn		McLaren F1 Team	8
17	18	Ləns Stroll		Williams Martini Racing	6
18	9	Markus Eriksson		Alfa Romeo Sauber F1 Team	6
19	28	Brendon Hartli		Red Bull Toro Rosso Honda	2
20	35	Sergey Sirotkin		Williams Martini Racing	1

MÜHƏNDİSLƏR KUBOKU: