19 Noyabr 2018, Bazar ertəsi - 05:41

Rusiya-2017: Yarış

Rusiya-2017: Yarış

Müəllif: Elçin Zodorov, redaktor

18:06 - 30 Aprel, 2017

Həftənin əvvəli Soçidə yağış yağsa da, çərşənbə axşamından etibarən havanın düzəlməsi isti Bəhreyndən sonra həm tamaşaçılar, həm də sürücülər üçün həftəsonunun rahat keçməsinə səbəb olub.

Reqlamentdəki dəyişikliklərə baxmayaraq, yenə də təkərlər həlledici faktor olaraq qalır. Soçi Avtodromunda isə sürücülər asfaltla ilişmənin az olmasına və təkərlərin çətin isinməsinə görə əziyyət çəkirlər. Burada ilk yarışın keçirildiyi 2014-cü ildən bəri bu hal dəyişməyib. Sıralanma turunda sürətli dövrədən əvvəl bir neçə ardıcıl dövrələr vurmaq lazım gəlib.

F-1.az xatırladır ki, Ferrari həftəsonu ərzində üstünlüyə malik idi – hər üç məşq sessiyasındakı birincilikdən sonra əsas uğur sıralanma turunda gəlmişdi – komanda 2008-ci ildə keçirilən Fransa Qran Prisindən bəri ilk dəfə yarışa ön cərgədən başlamaq haqqı qazanmışdı. Sebastyan Fettel dünən karyerasının 47-ci poulunu əldə etmişdi. Kimi Rəykkönen isə ona cüzi fərqlə uduzaraq ikinci olmuşdu. Ferrari sürücülərin arxasındakı iki yeri isə Mercedes AMG sürücüləri tutmuşdular.

Start düzümünü sıralanma turunun protokolundan cəmi iki amil fərqləndirib – startda Karlos Sayns Ləns Strolla Bəhreyndəki insidentə görə 3, beşinci güc qurğusuna keçən Stoffel Vandorn isə 15 yer itirib. Yarışın başlamasına 2 saatdan az vaxt qalmış, Ferstappenin maşınında maye sızması aşkar edilib, lakin starta qədər problem aradan qaldırılıb.

Pirelli Soçiyə yumşaq üçlüyü – Soft, SuperSoft və UltraSoft tərkiblərini gətirib. Soft təkərlərdən ancaq sərbəst yürüş sessiyalarının əvvəlində, tras çirkli olarkən istifadə edilib. Verlyayn, Eriksson və Vandorn yarışa SuperSoft, yerdə qalan digər sürücülər isə UltraSoft təkərlərlə başlayıblar. Qızdırma dövrəsinin sonunda Alonso maşınını güc qurğusundakı problemlərə görə pit yolunun girişində saxlayıb və kokpiti tərk edib. Sürücülər daha bir isinmə dövrəsinə yollanmalı olublar.

Əla start alan Bottas əvvəlcə Rəykköneni, sonra isə Fetteli qabaqlayıb və ilk döngəyə lider kimi girib. Start bu dəfə də insidentsiz ötüşməyib – Palmer və Qrojanın maşınları toqquşub, hər iki sürücü mübarizəni dayandırıb. Stroll dördüncü döngədə yerində fırlanıb, lakin yarışı davam etdirib. Təhlükəsizlik Maşını (TM) trasa çıxıb. Vandorn, Eriksson və Verlyayn dərhal pit-stopa yollanaraq UltraSoft təkərlərə keçiblər. TM-in arxasında ilk onluq belə olub: Bottas – Fettel – Rəykkönen – Həmilton – Ferstappen – Massa – Rikkardo – Peres – Okon – Hülkenberq.

Dördüncü dövrədə TM trası tərk edib və restart verilib. Bottas liderliyini qoruyub və Fetteldən tədricən uzaqlaşmağa başlayıb. Rikkardonun maşınının arxa əyləcləri tüstülənib və avstraliyalı boksa gəlib. Mexaniklər hətta yanğınsöndürəndən istifadə etməli olublar. Komanda Ferstappenə əyləclərə nəzarət etməyi tapşırıb.

Maqnussen və Vandorn ikinci döngədə trasın hüdudlarını pozduqları üçün 5 saniyə cərimələniblər. Həmilton üçüncü yerdəki Rəykkönenə bir qədər yaxınlaşsa da, finlandiyalı fərqi yenidən artırıb. Mercedes AMG bu dəfə yarış tempində problemlə qarşılaşmayıb – Bottas 20-ci dövrədən sonra Fetteli 6, Rəyyköneni isə 11 saniyə qabaqlayıb. 20-ci dövrədən sonra ilk onluq belə olub: Bottas – Fettel – Rəykkönen – Həmilton – Ferstappen – Massa – Peres – Okon – Hülkenberq – Maqnussen.

Yarışın 21-ci dövrəsində Verlyayn, Massa, Maqnussen və Kvyat təkərləri dəyişiblər. Dörd dövrə sonra Sayns və Vandorn, 27-ci dövrədə isə Okon və Stroll pit yoluna üz tutublar. Fettel tempi artırıb və Bottasla arasındakı fərqi 2.5 saniyəyə qədər endirib. Bottas 28-ci dövrədə pit-stop edib, onu 30-cü dövrədə Rəykkönen və Ferstappen, 31-ci dövrədə isə Həmilton izləyiblər. Komanda Fetteli bir qədər də trasda saxlamaq qərarına gəlib. Alman sürücü yalnız 35-ci dövrədə pit-stopa çağrılıb. Ön sol təkərin gec bağlanması vaxt itkisinə səbəb olub və Fettel trasa ikinci yerdə qayıdıb.

38-ci dövrədə Bottas səhvə yol verib. Fettel dərhal hücuma cəhd edib, lakin Valtteri vəziyyəti düzəldib və fərqi 2 saniyəyə çatdırıb. Massa təkərin deşilməsinə görə yenidən pitə yollanıb və braziliyalı sürücü 3 yer itirib. 43-cü dövrədən sonra ilk onluq belə olub: Bottas – Fettel – Rəykkönen – Həmilton – Ferstappen – Peres – Okon – Hülkenberq – Massa – Sayns.

Son dövrələrdə Bottasa yaxınlaşan Fettel fərqi bir saniyədən aşağı salıb. Lakin dövrəvi sürücü olan Massaya görə DRS-dən istifadə edən Valtteri fərqin bağlanmasına imkan verməyib. Felipe isə liderlərə yol vermək üçün çox da tələsməyib.

Valtteri Bottas Rusiya Qran Prisində qalib gəlib. Bu, Valtterinin karyerasında ilk qələbəsidir. Çempionatın lideri Fettel ikinci, onun komanda yoldaşı Rəykkönen isə üçüncü yeri tutaraq podiuma yüksələn digər iki sürücü olublar.

Mercedes AMG Mühəndislər Kubokunda liderliyi özünə qaytarıb. Force İndia-nın hər iki sürücüsü ardıcıl dördüncü yarışı da xalla başa vurublar. Stroll isə ilk dəfə finişə çata bilib.

Formula1 iki həftədən sonra mövsümdə ilk dəfə olaraq Avropaya gələcək. Komandalar İspaniyadakı yarışa bir çox yeniliklər gətirəcəklər ki, bu da qüvvələr nisbətini dəyişə bilər. Zaman çox tez keçəcək!

YerNSürücüKomandaZaman/FərqPit
177Valtteri BottasMercedes AMG1:28:08.7431
25Sebastyan FettelFerrari+ 0:00.6171
37Kimi RəykkönenFerrari+ 0:11.0001
444Lyuis HəmiltonMercedes AMG+ 0:36.3201
533Maks FerstappenRed Bull+ 1:00.4161
611Serxio PeresForce İndia+ 1:26.7881
731Esteban OkonForce İndia+ 1:35.0041
827Niko HülkenberqRenault+ 1:36.1881
919Felipe MassaWilliams+1 dövrə2
1055Karlos SaynsToro Rosso+1 dövrə1
1118Ləns StrollWilliams+1 dövrə1
1226Daniil KvyatToro Rosso+1 dövrə1
1320Kevin MaqnusssenHaas+1 dövrə1
142Stoffel VandornMcLaren+1 dövrə2
159Markus ErikssonSauber+1 dövrə2
1694Paskal VerlyaynSauber+2 dövrə2

 

Sürətli dövrə: Kimi Rəykkönen (Ferrari) – 1:36.844 (49-cu dövrə, 217.388 km/saat).

 

MÜBARİZƏNİ DAYANDIRANLAR:

SürücüKomandaDövrəSəbəb
Daniel RikkardoRed Bull6əyləc
Roman QrojanHaas1qəza
Colion PalmerRenault1qəza
Fernando AlonsoMcLaren0ERS/start almayıb

 

SÜRÜCÜLƏRİN ÇEMPİONATI:

YerNSürücüÖlkəKomandaXal
15Sebastyan FettelScuderia Ferrari86
244Lyuis HəmiltonMercedes AMG Petronas F1 Team73
377Valtteri BottasMercedes AMG Petronas F1 Team63
47Kimi RəykkönenScuderia Ferrari49
533Maks FerstappenRed Bull Racing35
63Daniel RikkardoRed Bull Racing22
711Serxio PeresSahara Force İndia F1 Team22
819Felipe MassaWilliams Martini Racing18
955Karlos SaynsScuderia Toro Rosso11
1031Esteban OkonSahara Force İndia F1 Team9
1127Niko HülkenberqRenault Sport Formula 1 Team6
128Roman QrojanHaas F1 Team4
1320Kevin MaqnussenHaas F1 Team4
1426Daniil KvyatScuderia Toro Rosso2

 

MÜHƏNDİSLƏR KUBOKU:

YerKomandaMotorXal
1Mercedes AMG Petronas F1 TeamMercedes136
2Scuderia FerrariFerrari135
3Red Bull RacingTAG Heuer57
4Sahara Force İndia F1 TeamMercedes31
5Williams Martini RacingMercedes18
6Scuderia Toro RossoRenault13
7Haas F1 TeamFerrari8
8Renault Sport Formula 1 TeamRenault6

Son Xəbərlər

İnformasiya

Bölüm Xəbərlər
Mənbə
Baxış Sayı 5. 876
Teqlər , , , , , ,
Paylaş

logo