Rusiya-2017: Tras və statistika

2014-cü ilin oktyabrın 12-də günəşli bir gün idi – həmən gün Rusiya avtoidmanının tarixinə qızıl hərflərlə yazıldı: Soçi Avtodromunda ilk milli Formula1 yarışı baş tutdu.

Qonşu ölkə bu tarixi hadisəyə uzun bir yol keçmişdi, onlarla avtodrom tikilmişdi, amma yalnız Soçinin Olimpiya Parkında salınan avtodrom layihəsi reallığa çevrildi.

Hermann Tilke Rusiya Qran Prisi üçün bir neçə layihə hazırlamışdı, layihələrdən biri yarışın düz Moskvanın mərkəzində keçirilməsini nəzərdə tutrdu – Berni Ekklstoun hələ 1982-ci ildən Kremlin fonunda Qızıl Meydanda yarış görməyi arzulayırdı, amma bu layihələrin bəzisi elə kağız üzərində qaldı, bəzisi isə avtodrom kimi tikilsə də, daha aşağı seriyaların yarışları üçün yararlı oldu. 2009-cu ilin sentyabrında Soçi şəhərinin meri Anatoliy Paxomov bildirdi ki, ölkənin kurort paytaxtı Formula1 yarışını keçirməyə köklənib. 2010-cu ilin oktyabrında isə Krasnodar diyarının nümayəndələri Berni Ekklstounla 2014-cü ildən başlayaraq Formula1 yarışının keçirilməsi üzrə 7 illik müqavilə imzaladılar.

Tikinti işləri Olimpiya Oyunları günlərində dayandırılsa da, avtodromun tikintisi vaxtından əvvəl başa çatdırıldı, ilk yarışa iki ay qalmış Soçi Avtodromu FİA-nın son təftişini keçərək rəsmi lisenziyasını aldı, 2014-cü ilin sentyabrın 20-də isə tras rəsmən açıq elan olundu.

Həmin ilin sonunda FİA-nın Baş Assambleyası Soçi Avtodromundakı debüt yarışını Mövsümün Ən Yaxşı Qran Prisi adlandırdı, avtodrom özü isə bir neçə mükafata layiq görüldü.

2017 FORMULA 1 VTB RUSSIAN GRAND PRIX
Tarix Tras Dövrənin uzunluğu Dövrələrin sayı Yarış məsafəsi
28 aprel-30 aprel 2017 Sochi Autodrom 5848 m 53 309.732 km
Rəsmi sayt

 

TRASIN XARAKTERİSTİKASI

Soçi Avtodromu dünyada Qış Olimpiya Oyunları keçirilmiş parkda salınmış yeganə yarış kompleksidir. Tras müxtəlif konfiqurasiyalardan ibarət olmaqla beynəlxalq və yerli yarışlar üçün nəzərdə tutulub və ilboyu istifadə oluna bilər.

Trasın konfiqurasiyasını hazırlayan zaman Olimpiya Parkının arxitekturası nəzərə alınıb, amma tras kifayət qədər sürətli alınıb. Dövrədə orta hərəkət sürəti 210 km/saat, maksimal sürət 330 km/saatdır. Yarış konfiqurasiyasında 12 sağ və 6 sol döngə  nəzərdə tutulub.

Tras asfaltayatma qüvvəsinin yüksək kəmiyyətini tələb edir, xüsusən də uzun üçüncü və çoxsaylı 90 dərəcəli döngələrdə. Sazlanmalar eynilə Sinqapurda olduğu kimidir, amma Soçidə daha uzun düzlüklər olduğu üçün mühəndislər ənənəvi asfaltayatma qüvvəsi ilə sürət arasındakı kompromisi daha çox axtarmalı olacaqlar.

Tras motorun gücünə elə də tələbkar deyil, amma çox şey ERS-in effektivliyindən asılıdır. Əyləclərin yüklənməsi ortadır, ikinci və on üçüncü döngələrdə ciddi əylənmə nöqtəsi var.

2016-cı ilin Rusiya Qran Prisində sessiyalarda ən yaxşı nəticələr
Sessiya Hava Sürücü Komanda Zaman
1-ci sərbəst yürüşlər Buludlu. Quru Niko Rosberq Mercedes AMG 1:38.127
1-ci sərbəst yürüşlər Günəşli. Quru Lyuis Həmilton Mercedes AMG 1:37.583
1-ci sərbəst yürüşlər Buludlu. Quru Lyuis Həmilton Mercedes AMG 1:36.403
Sıralanma turu Buludlu. Quru Niko Rosberq Mercedes AMG 1:35.337
Yarışda sürətli dövrə Buludlu. Quru Niko Rosberq Mercedes AMG 1:39.094

 

 

TELEYAYIM

F-1.az xatırladır ki, Azərbaycanda bütün çempionatın yayım hüquq İdman Azərbaycan kanalında olduğu üçün Rusiya Qran Prisini İdman Azərbaycan və ya İdman Azərbaycan HD kanallarından izləyə bilərsiniz. Hər bir sessiyanın rəsmi protokolları isə saytımızda operativ yerləşdiriləcək…

Rusiya Qran Prisinin sessiyaları, Bakı vaxtılə
Tarix Sessiya Zaman TV
28 aprel 1-ci sərbəst yürüşlər 12:00
28 aprel 2-ci sərbəst yürüşlər 16:00
29 aprel 3-cü sərbəst yürüşlər 13:00
29 aprel Sıralanma turu 16:00 15:55
30 aprel Yarış 16:00 15:55

 

Pirelli, UltraSoft, SuperSoft, Soft

 

HƏFTƏSONU ÜÇÜN SÜRÜCÜLƏRİN TƏKƏR SEÇİMİ

Pirelli şirkəti Soçiyə UltraSoft, SuperSoft və Soft tərkiblərini gətirəcək, son iki tərkib məcburi elan olunub, yəni onlardan hər hansı birindən mütləq yarışın gedişində istifadə olunmalıdır.

Reqlamentdəki ciddi dəyişikliklərdən sonra komandalar ilk 5 yarış üçün güzəşt əldə ediblər – Pirelli hər bir sürücüyə 2 dəst Soft, 4 dəst SuperSoft və 7 dəst UltraSoft təkərlər verəcək. Təkərlərin builki bərkliyini nəzərə almaqla demək olar ki, yarışda hamı bir pit-stop edəcək.

 

 

STATİSTİKA

 

Hazırkı pilotların Rusiya Qran Prisində nəticələri
Pilot QP Xallar Poul Podium Qələbə
Lyuis Həmilton 3 68 1 3 2
Valtteri Bottas 3 27 1
Sebastyan Fettel 3 22 1
Felipe Massa 3 22
Kimi Rəykkönen 3 21 1
Serxio Peres 3 20 1
Kevin Maqnussen 2 16
Fernando Alonso 3 16
Daniil Kvyat 3 10
Daniel Rikkardo 3 6
Roman Qrojan 3 4
Maks Ferstappen 2 1
Niko Hülkenberq 3
Markus Eriksson 3
Karlos Sayns 2
Colion Palmer 2
Paskal Verlyayn 1
Ləns Stroll
Stoffel Vandorn
Esteban Okon

 

Rusiya Qran Prisinin qalibləri
Tarix Tras Poul Qələbə
01.05.2016 Soçi N.Rosberq Mercedes AMG N.Rosberq Mercedes AMG
11.10.2015 Soçi N.Rosberq Mercedes AMG L.Həmilton Mercedes AMG
12.10.2014 Soçi L.Həmilton Mercedes AMG L.Həmilton Mercedes AMG

 

 

 

 

 

 

, ,

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*