Səhər uğradığı qəza üzündən Robert Kubitsa mövsümün ilk yarışlarını buraxa bilər. İtaliyadan aldığımız son məlumatlara görə, Lotus Renault GP komandasının sürücüsü təcili hospitala çatdırılıb və ilkin müayinə zamanı sol qolun və sol ayağın ciddi zədələnməsi müəyyən edilib.
Komandanın mətbuat xidmətninin başçısı Stefan Samsonun sözlərinə görə, “bizə yalnız bu məlumdur ki, Robertin həyatına təhlükə yoxdur, lakin onun qolu və ayağı ciddi zədələnib, başqa heç bir məlumatımız yoxdur.” Hazırda Genuya hospitalının həkimləri sürücünü cərrahiyə əməliyyatına hazırlayırlar…
