Rəsmən: Vyetnam Qran Prisi 2020-ci ildə debüt edəcək

Vyetnamın paytaxtı Hanoy 2020-ci ildə Formula1 mərhələsini qəbul edəcək. Gələn həftə trasın konfiqurasiyası təqdim olunacaq.

Yeni Qran Prinin təqdimatına dəvətnamədə deyilir ki, Hanoy hökuməti FOM-la müqavilə imzalayıb, ona görə də 2020-ci ilin aprelində Formula1 paytaxt küçələrinə gələcək”.

F-1.az bildirir ki, təşkilatçılar əvvəlcə trasın Köhnə Şəhər yaxınlığında Hoankyem gölü ətrafında olmasını təklif etmişdilər. Amma sonda tras Mi Din stadionuna tərəf çəkilib – bu hissədə olan küçələr şəhərin mərkəzində olanlardan daha genişdir.

Formula1-in yarış direktoru Çarli Uaytinq bu günlərdə Hanoya baş çəkib və əmindir ki, tras vaxtında hazır olacaq. Trasın bir hissəsi mövcud yollardan keçəcək, bir hissəsi isə yeni qurulmalıdır.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*