20 Oktyabr 2017, Cümə - 07:01

R.Qrojan: “Mənim qoruyucuya ehtiyacım yoxdur”

R.Qrojan: “Mənim qoruyucuya ehtiyacım yoxdur”

Müəllif: Rauf Hacıyev, redaktor

15:20 - 15 İyul, 2017

Haas komandasının sürücüsü Roman Qrojan bildirib ki, Sebastyan Fettelin birinci sərbəst yürüşlərdə test etdiyi Qalxan sistemi Halo kimi bərbaddır.

F-1.az xatırladır ki, Jül Byanki 2014-cü ildə Yaponiyada keçirdiyi qəzadan sonra FİA sürücülərin başını qorumaq üçün fərqli sistemlər üzərində işləməyə başlayıb. Keçən il Halo və AeroScreen kimi sistemlər test edilsə də, FİA hər ikisindən də imtina etmişdi. Bu il isə yeni Qalxan (Shield) sistemi kəşf edilib və bu sistemi birinci dəfə Sebastyan Fettel test edib.

Roman Qrojan: “Əvvəldən fikrimi demişəm. Mənim heç bir qoruyucuya ehtyacım yoxdur. Halo, Qalxan ilə Formula1 olmaz. Bu idmana yaraşmır. Halo bundan pis görünür. Keçən il Halonu test etmişdim və onu bəyənməmişdim. Məni əsəbiləşdirmişdi. Buna görə də yaxşı həll yolu deyil.

Sürücülər bu mövzuda iki yerə bölünüb. Müzakirə etmirik, çünki təhlükəsizliklə bağlı sistemdir. Qaydaları biz müəyyən etmirik. Təbii ki, idmanın təhlükəsiz olmasını istəyərik, amma bir ideya tapdığımızı və ya bir şey istədiyimizi deyə bilmərəm”.


Son Xəbərlər

İnformasiya

Bölüm Xəbərlər
Mənbə
Baxış Sayı 5. 242
Teqlər , , , ,
Paylaş

logo