F-1.az xatırladır ki, fransız sürücü sıralanma turunda bolidin altlığını dəyişdirməli olmuşdu və yarışa pitdən başlamışdı. Qrojan yarışda təkcə komanda yoldaşı Qutyerresi qabaqlayaraq finiş xəttini 20-ci yerdə keçib.
Roman Qrojan: “Problemin nə olduğunu anlamaq üçün bəzi detalları dəyişdirdik, amma faydası olmadı. Yarışda elə bil başqa bolid sürürdüm. İdarə etmək və sürmək çox çətin idi. Heç nəyi doğru edə bilmədik. Yarış ərzində öndən və arxadan sürüşmələr yaşadım. Sözün açığı trasda nə etdiyimi bilmirdim. Xüsusən də, bolid əylənmə zamanı sola çəkirdi. Bu da qəribə idi.
Uzun sözün qısası, məyus olduq. Ümid edirəm ki, son iki yarış daha yaxşı keçər”.
