19 Oktyabr 2017, Cümə axşamı - 12:57

R.Kubitsanın testlərdə iştirakı sual altındadır

R.Kubitsanın testlərdə iştirakı sual altındadır

Müəllif: Elçin Zodorov, redaktor

08:06 - 19 İyul, 2017

Renault komandası polşalı sürücünün avqustun ilk günlərində Hunqarorinq trasında baş tutacaq mövsümiçi testlərdə iştirakı ilə bağlı dəqiq qərarını verməyib. Robert son ay yarım ərzində Lotus E20 ilə iki testi uğurla başa vurub. Növbəti addım yeni maşınlara keçid olmalıdır…

F-1.az bildirir ki, bunun üçün ən yaxşı variant elə Macarıstan Qran Prisindən sonra keçiriləcək testlərdir. Lakin qaydalara görə, hər bir komanda azı bir gün Formula1-də maksimum iki yarışda işitak etmiş sürücünün köməyindən istifadə etməlidir. Kubitsa 2006-cı ildən 2010-cu ilə qədər 76 yarışa çıxıb və təbii ki, bu kateqoriyaya uyğun gəlmir.

Komandalar digər test günündə isə maşını cari pilotlarına tapşırırlar. Lakin burada başqa bir məqam da var: Hülkenberq Bəhreyndəki testlərdə iştirak etmişdi. Komanda Macarıstanda Palmerin əvəzinə Kubitsadan istifadə edə bilər. Bu isə onsuz da vəziyyəti yaxşı olmayan britaniyalı sürücü üçün böyük mənəvi zərbə ola bilər.

Özəl testlər sürücünü ancaq dəyişikliklərə uyğunlaşdırmaq üçün nəzərdə tutulur. Əgr Kubitsa fiziki vəziyyəti ilə bağlı yeni maşınlara uyğunlaşa bilməsə, Renault bir test gününü itirmiş olacaq. Qərarın yaxın günlərdə qəbul edilməsi gözlənilir…


Son Xəbərlər

İnformasiya

Bölüm Xəbərlər
Mənbə
Baxış Sayı 4. 048
Teqlər , , , , , , ,
Paylaş

logo