Keçən ilin yanvarında Renault komandası və Cənubi Afrika Respublikasının Qautenq əyalətinin (paytaxtı Yohannesburq olan ən varlı əyalət) hökuməti arasında müqavilənin bağlanıldğı elan olunmuşdu. Əməkdaşlıq paytaxtın küçələrində Renault-nun şousu ilə başlamışdı, daha sonra isə maşınların üzərində əyalətin loqotipəri peyda olmuşdu. Aksiyanın məqsədi Formula1-in Cənubi Afrikaya qayıtması layihəsini dəstəkləmək idi.
Son şayiələrə görə, layihənin loqotipləri bu ildən BMW Sauber maşınlarına yapışdırılacaq, yerli mətbuatın xəbərinə əsasən, dünya çempionatının milli mərhələsi Qautenqdə 2012-ci ildə keçirilə bilər…