Pirelli Əbu Dabi Qran Prisi üçün sürücülərin təkər seçimini bəyan edib

Reqlamentə əsasən, Pirelli səfər yarışlarına 14 həftə, Avropa yarışlarına isə 8 həftə qalmış təkər seçimini elan etməlidir. Bundan sonra komandalar yarış həftəsonu ərzində istifadə edəcəkləri tərkiblərin dəst sayını müəyyən edirlər və seçimlərini FİA-ya bildirirlər, federasiya isə Pirelli-dən məhz bu sayda təkər istehsal etməyi və yarışa gətirməyi tələb edir.

Komandaların seçimi məxfi saxlanılır və yarışa 2 həftə qalmış mətbuata bildirilir. Ona görə də Pirelli bu gün Əbu Dabi Qran Prisinə hər bir sürücünün etdiyi seçimi açıqlayıb.

F-1.az xatırladır ki, italyanlar Yas Marina trasına ən yumşaq üçlüyü – HyperSoft, UltraSoft və SuperSoft tərkiblərini gətirəcəklər.

Trasın asfalt örtüyü kifayət qədər hamardır, amma trasın konfiqurasiyası təkərləri çox yükləyir, ona görə də təkərlərin vəziyyətinə nəzarət həlledici vəzifə olacaq, xüsusən də sürətlənmə zamanı təkərlərin izafi fırlanmasının qarşısını almaq vacibdir.

Hamar asfaltda təkərlərin yeyilməsi yüksək deyil, hətta ən yumşaq təkərlə böyük məsafə qət etmək mümkündür, ona görə də SuperSoft-dan yalnız ilk məşqlərdə istifadə olunacaq. Keçən il sürücülər yarışı bir pit-stopla başa vurmuşdular.

Bu dəfə komandaların seçimi təxminən bərabər olub, sadəcə Renault sürücüləri rəqiblərinə nisbətən daha az HyperSoft sifariş ediblər….

Əbu Dabi Qran Prisi üçün təkər seçimi

Sürücü Komanda SuperSoft UltraSoft HyperSoft
Lyuis Həmilton Mercedes AMG 2 3 8
Valtteri Bottas Mercedes AMG 2 3 8
Sebastyen Fettel Ferrari 3 2 8
Kimi Rəykkönen Ferrari 3 2 8
Daniel Rikkardo Red Bull 2 3 8
Maks Ferstappen Red Bull 2 3 8
Serxio Peres Racing Point 2 2 9
Esteban Okon Racing Point 2 2 9
Ləns Stroll Williams 1 2 10
Sergey Sirotkin Williams 2 1 10
Karlos Sayns Renault 2 4 7
Niko Hülkenberq Renault 1 5 7
Pyer Qasli Toro Rosso 1 2 10
Brendon Hartli Toro Rosso 2 1 10
Roman Qrojan Haas 2 3 8
Kevin Maqnussen Haas 1 4 8
Fernando Alonso McLaren 2 2 9
Stoffel Vandorn McLaren 2 2 9
Markus Eriksson Sauber 1 4 8
Şarl Lekler Sauber 2 3 8
,

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*