Pirelli Braziliya və Əbu Dabi Qran Priləri üçün təkər seçimini elan edib

F-1.az xatırladır ki, builki reqlamentə görə, şirkət Avropa yarışları üçün təkər seçimini yarışa 8 həftə qalmış elan edir, Avropadan kənarda olan yarışlara isə təkər seçimi yarışa 14 həftə qalmış elan olunur.

İnterlaqosun cod asfaltında komandalar ən bərk üçlüklə – Hard, Medium və Soft tərkibləri ilə yarışacaqlar, yarış zamanı hər bir sürücü Hard və Medium tərkiblərindən hər hansı birindən istifadə etməlidirlər.

Süni Yas adasında keçirilən mövsümün son yarışında isə komandalar ən yumşaq üçlüklə – Soft, SuperSoft və UltraSoft tərkibləri ilə yarışacaqlar, yarış zamanı isə hər bir sürücü mütləq Soft və SuperSoft tərkiblərindən hər hansı birində istifadə etməli olacaqlar.

Beləliklə, Pirelli cari mövsümün bütün yarışlarına təkər seçimini elan edib, indi bütün resursları gələn ilin yeni təkərlərinin test edilməsinə yönəltmək olar…