22 Oktyabr 2017, Bazar - 21:31

P.Lou: “Dördüncü yer uğrunda mübarizə bitməyib”

P.Lou: “Dördüncü yer uğrunda mübarizə bitməyib”

Müəllif: Rauf Hacıyev, redaktor

10:10 - 07 Avqust, 2017

Williams komandasının texniki direktoru Pəddi Lou bildirib ki, Force İndia komandası ilə xal fərqini qapadacaqlarına inanır.

F-1.az xatırladır ki, hindistanlılar ilk 11 yarışdan sonra 101 xalla 4-cü, Williams isə 41 xalla 5-ci yerdədir.

Pəddi Lou: “Macarıstandakı testlərin faydalı olduğunu düşünürəm. Burada bolidi təkmilləşdirmək üçün önəmli məlumatlar əldə etdik və mövsümün ikinci yarısında rəqabətədavamlı olmağa çalışacağıq. Dördüncü yer uğrunda mübarizənin tam olaraq bitdiyini deyə bilmərəm. Hələ də Force İndia-nı keçə biləcəyimizə inanıram.

Asfaltla ilişmənin yüksək olduğu Sinqapur və Monako yarışlarında uğurlu ola bilmirik. Amma Sinqapurdakı yarışa hələ çox var və ona qədər üzərimizdə işləyəcəyik. Ümid edirəm ki, hər şey istədiyimiz kimi gedər və ikinci yarının başlaması ilə güclü çıxışımıza davam edərik”.


Son Xəbərlər

İnformasiya

Bölüm Xəbərlər
Mənbə
Baxış Sayı 4. 299
Teqlər , ,
Paylaş

logo