20 Noyabr 2017, Bazar ertəsi - 11:37

Növbəti yarışımız üçün bilet satışı başlayır

Növbəti yarışımız üçün bilet satışı başlayır

Müəllif: Rəhim N.Əliyev, baş redaktor

18:04 - 31 Oktyabr, 2017

Bakı Şəhər Halqası (BŞH) Əməliyyat Şirkəti böyük məmnuniyyətlə ölkə ictimaiyyətinə bildirir ki, noyabrın 6-da növbəti Azərbaycan Qran Prisi üçün bilet satışına start veriləcək və ilk iki ay ərzində biletlər endirimli qiymətlərlə təklif olunacaq.

BŞH-nin Marketinq və Kommunikasiya şöbəsinin rəhbəri Nigar Arpadarai yeni mövsümdə yerli tamaşaçılar üçün xüsusi endirimlərin olacağını bildirib…

Nigar Arpadarai: “Hər ötən il əvvəlki illə müqayisədə daha çox yerli azarkeşin bilet alaraq yarışın bütün sessiyalarında və həmçinin, yarışdan kənarda onlar üçün hazırladığımız əyləncə proqramlarında, xüsusən də dünya ulduzlarının iştirakı ilə baş tutan möhtəşəm konsertlərdə böyük coşğu ilə iştirak etməsi bizi çox sevindirir.

Biz bu il yarışa daha çox yerli tamaşaçı cəlb etmək üçün müxtəlif endirimlər təklif edəcəyik. Bununla bağlı ilk satış kampaniyamız noyabrın 6-da başlayacaq və həmin gün biz ölkə ictimaiyyətinə yarış həvəskarları üçün təklif olunan xüsusi endirimlərin detallarını açıqlayacağıq. İnanırıq ki, builki yarışda rekord göstəricidə tamaşaçı iştirakına nail olacağıq”.

Qeyd edək ki, növbəti Azərbaycan Qran Prisini izləmək istəyən tamaşaçılara trasın müxtəlif yerlərindən yarışı izləməyə imkan verən və ümumi tutumu 30 min yerlik olan tribuna və ayaqüstü zonalar təklif olunur.


Son Xəbərlər

İnformasiya

Bölüm Bakı Şəhər Halqası
Mənbə
Baxış Sayı 9. 745
Teqlər , ,
Paylaş

logo