Bir neçə gündən sonra istefaya gedəcək Mercedes-Benz Motorsport-un başçısı Norbert Hauq hesab edir ki, əgər Mixael Şumaherin ixtiyarında daha sürətli maşın olsaydı, o daim ilk üçlükdə mübarizə aparardı…
Norbert Hauq: “Əgər Mixael, məsələn, McLaren-də olan maşının sükanı arxasına otursaydı, əminəm ki, Niko Rosberqlə birlikdə ilk üçlüyə düşərdi. Hamı gördü ki, maşın sürətli olanda, Mixael necə çıxış edirdi. Monakoda o poul qazandı – bu nəticə rəqiblərinin ona hədiyyəsi deyildi. Bundan başqa Mixael Çin Qran Prisində də çox sürətli idi.”
