Mercedes Motorsport-un vitse prezidenti Norbert Hauqu Macarıstan Qran Prisinin stüardlarının Renault komandasına tətbiq etdikləri cəriməni ləğv etmiş Apelyasiya Məhkəməsinin qərarı çox təəccübləndirib…
Norbert Hauq: “Cərimə çox ciddi idi, amma Henri Sörtizin ölümündən cəmi bir həftə və Felipe Massanın ağır qəzasından cəmi bir gün sonra baş verən bu insidentə görə, stüardların belə radikal qərarını başa düşmək olardı. Yaxşı ki, bu halda komanda və federasiyanın baş verənləri rahat təhlil etməyə vaxtları var idi. Formula1-də belə ciddi cərimələr nadir hallarda ləğv olunur.
Arbitraj məhz ona görədir ki, vəziyyəti diqqətlə təhlil etsin, amma mən bizə qarşı tətbiq olunmuş hər hansı bir cərimənin ləğv olunmasını xatırlamıram.”
