Mercedes şirkətinin Formula1-ə qayıtmasını, Brawn GP komandasını alaraq zavod komandası yaratmasını və Mixael Şumaherlə müqavilə bağlamasını elan etməsindən bir il ötüb. Hələlik qarşıya qoyulan məqsədə çatmaq mümkün olmayıb, amma Mercedes Motorsport-un başçısı Norbaert Hauq sürücülərə və komandaya inanır…
Norbert Hauq: “Keçən il bizim maşın rəqiblərə döngələrdə uduzurdu, amma komanda bunun səbəbini bilir, ona görə də 2011-ci ildə ciddi inkişafa ümid edirik.
Əgər mən Mixaelə inanmasaydım, o bizim komandada çıxış etməzdi, bu sözlər Nikoya da aiddir – o ən sürətli gənclərdən biridir. Keçən il o çox yaxşı idi.”
