21 Sentyabr 2018, Cümə - 00:26

N.Rosberq: “Radio danışıqların məhdudlaşdırılması doğrudur”

N.Rosberq: “Radio danışıqların məhdudlaşdırılması doğrudur”

Müəllif: Rauf Hacıyev, redaktor

06:07 - 26 Mart, 2016

Mercedes AMG komandasının sürücüsü Niko Rosberq bildirib ki, radio danışıqların məhdudlaşdırılması Formula1-ə həyəcan gətirib…

F-1.az xatırladır ki, FİA bu ildən etibarən radio danışıqlarına məhdudiyyətlər qoyub – yəni komandalar sürücülərinə bolidlə bağlı heç bir məlumat verə bilməzlər.

Niko Rosberq yeni qaydadan razı qalan sürücülərdəndir. Almaniyalı sürücü bildirib ki, Avstraliyada bütün problemlərlə təkbaşına mübarizə aparıb və buna görə də xoşbəxtdir: “Məncə FİA bu qərarla sürücülərin çiyninə ağır bir yük qoyub və məncə, bu çox doğrudur.

Yeni qaydalar hamımızın işini çətinləşdirir, amma artıq yarışda özümüzü daha məsuliyyətli və sərbəst hiss edirik.

Komandalar radio vasitəsilə sürücülərinə məlumatlar verirdilər və yarışmaq artıq çox asanlaşmışdı. İndi görək bəzi sürücülər komanda əmrləri olmadan nələr edə biləcəklər”.

Qeyd edək ki, komanda rəhbərləri ilə FİA radio danışıqlara məhdudiyyətlərlə bağlı qaydaları sonuncu iclasda müzakirə ediblər və belə qərara alınıb ki, strategiya ilə bağlı sürücülərə cüzi məlumatlar verilə bilər…


Son Xəbərlər

İnformasiya

Bölüm Xəbərlər
Mənbə
Baxış Sayı 319
Teqlər ,
Paylaş

logo