N.Rosberq Ferrari ilə mübarizəyə hazırdır

Ferrari komandası Avstraliyada Mercedes AMG-yə çox yaxın olduğunu göstərmiş, mövsümboyu bu iki komanda arasında gərgin mübarizə olacağının ilkin siqnalını vermişdi.

F-1.az xatırladır ki, mövsümün ilk yarışında əla start alan Ferrari sürücülərindən Kimi Rəykkönen texniki problemə görə yarışı yarımçıq saxlamalı olmuş, Sebastyan Fettel isə komandanın səhv strategiyası üzündən qələbəni əldən vermişdi.

İlk yarışın qalibi Niko Rosberq Ferrari ilə mübarizəyə hazır olduğunu bildirib: “Biz yenə möhtəşəm bir maşına sahibik. Böyük bir mübarizənin içindəyik. Ferrari-nin böyük təhlükə olduğunu Melburnda gördük. Çox çalışmalıyıq. İndi qarşımızda Bəhreyn yarışı var. Bu yarışa köklənməliyik.

Son 2 il ərzində həm Lyuis ilə, həm də Ferrari ilə mübarizələrim oldu. Bu il Ferrari daha da güclənib. Onlarla mübarizəyə hazıram və yarışları səbirsizliklə gözləyirəm. İlk yarışda qalib gəlmək yerinə düşdü. Amma bununla kifayətlənməməliyəm və daha artığını etməliyik”.

 

, , , , ,

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*