F-1.az xatırladır ki, son illərdə mövsüm ən gec 2011-ci ildə start almışdı, amma onda təqvimdə 19 yarış var idi, bu il isə bizi 20 Qran Pri gözləyir – amma hələ bilinmir ki, onların hamısı baş tutacaqmı?
MÖVSÜMÖNCƏSİ TESTLƏRİN VƏ MÖVSÜMÜN STARTI
| Mövsüm | Testlərin startı | Mövsümün startı |
| 2017-ci il | 27 fevral | 26 mart |
| 2016-cı il | 22 fevral | 20 mart |
| 2015-ci il | 1 fevral | 15 mart |
| 2014-cü il | 28 yanvar | 16 mart |
| 2013-cü il | 5 fevral | 17 mart |
| 2012-ci il | 7 fevral | 18 mart |
| 2011-ci il | 1 fevral | 27 mart |
| 2010-cu il | 1 fevral | 14 mart |
Keçən il olduğu kimi, komandalar qış testlərini yalnız bir trasda – Barselonada çalışacaqlar: bu tras bəzi faktorlara görə ən yaxşı hesab olunur, çünki maşının aerodinamikasının effektivliyini qiymətləndirməyə imkan verməklə, motorun gücünü də biruzə verir.
Əvvəlki illərdə fevralın ilk günlərində Xeres trasından istifadə edilməsi hava baxımından özünü doğruldurdu – ilin bu vaxtında Əndəluziyada isti olur, amma fevralın sonunda Barselonada da kifayət qədər isti olmalıdır – adətən ilin bu vaxtında günorta temperatur +15С-yə çatır.
MÖVSÜMÖNCƏSİ TESTLƏRDƏ TRASLARIN İSTİFADƏSİ
| Mövsüm | Testlərin keçirildiyi yerlər |
| 2017-ci il | Barselona |
| 2016-cı il | Barselona |
| 2015-ci il | Xeres, Barselona |
| 2014-cü il | Xeres, Barselona |
| 2013-cü il | Xeres, Barselona |
| 2012-ci il | Xeres, Barselona |
| 2011-ci il | Valensiya, Xeres, Barselona |
| 2010-cu il | Valensiya, Xeres, Barselona |
Mövsümöncəsi testlərdən bir gün əvvəl və ya elə testlərin ilk günü bəzi komandaların yeni maşınları təqdim etməsi də artıq ənənəyə çevrilib. Təqdimatdan sonra isə bütün komandalar gərgin test proqramının yerinə yetirilməsinə başlayacaqlar ki, mövsümün startına maksimum yaxşı formada hazır olsunlar.
2017-ci İL MÖVSÜMÜNÜN TEST QRAFİKİ
| Tarix | Tras | Test |
| 27.02 – 02.03 | Barselona | Yeni maşınların testləri |
| 07.03 – 10.03 | Barselona | Yeni maşınların testləri |
