Mövsümöncəsi testlər: Ümumi statistika

Barselonada keçirilən mövsümöncəsi testlər proqram baxımından zəngin olub. Səkkiz test günü ərzində yağış yağmayıb, son günlərdə isə yazın gəlişi özünü hiss etdirib. Komandaları reqlamentdəki ciddi dəyişikliklərə görə testlərdə çox iş gözləyirdi. İlk testlərin dördüncü günündə tras süni sulanıb, sürücülər keçid və yağış təkərləri ilə işləyiblər.

F-1.az bildirir ki, Mercedes AMG və Ferrari komandaları qət edilən məsafəyə görə ilk iki yeri tutublar. Testlər onlar üçün demək olar ki, problemsiz keçib. Mercedes AMG-nin sürücüləri hər ikisi bütün günlərdə işləyiblər və ümumilikdə qət etdikləri məsafə 5000 km-dən çox olub. Əvvəlki illərdə olduğu kimi, komanda yenə də maşının etibarlılığını nümayiş etdirib, lakin sürücüləri sürətli dövrələr vurmaqda çox da maraqlı olmayıblar.

Bir gün ərzində vurulan dövrə sayına görə rekordun sahibləri Sebastyan Fettel və Felipe Massa olublar – 168 dövrə. Bu, İspaniya Qran Prisində qət edilən məsafədən 2.5 dəfə çoxdur. Hard təkərlərdən testlərdə ümumiyyətlə istifadə olunmayıb. Qalan dörd tərkibdə isə ən sürətli dövrələri Ferrari sürücüləri vurublar. Fettel UltraSoft (1:19.024) və Medium (1:21.609) təkərlərdə, Kimi Rəykkönen isə  SuperSoft (1:18.634) və Soft (1:19.267) təkərlərdə hamını üstələyib.

Testlər Williams üçün sakit keçib. İlk həftədə Stroll qəzalar etsə də, gənc kanadalı ikinci testlərdə səhvlərini düzəltdiyini göstərə bilib. Force İndia da maşında bir neçə problem tapıb. Maşın normadan 10 kq ağırdır və komanda mövsümün ilk yarışları barədə ehtiyatla danışır. Renault və Honda motorlarındakı problemlər komandaların testlərdəki fəaliyyətlərində ciddi fasilələr yaradıb. Renault müvəqqəti həll yolu tapıb, lakin motorun potensialından tam istifadə edilməyib.

Red Bull testlərdəki nəticələrə görə Mercedes AMG və Ferrari-dən geri qalıb. Lakin onlar Renault-nun motoru ilk yarışa qədər tam düzəldəcəyinə ümid edirlər. McLaren üçün isə testlər çox bərbad keçib. Güc qurğusunu dəfələrlə dəyişməli olan komanda istədiyi qədər dövrə vura bilməyib. Motorun gücü xeyli məhdudlaşdırılıb, bu da dövrəvi nəticələrə təsir edib.

Sürücülərin qət etdiyi ümumi məsafələr:

Yer N Sürücü Komanda Dövrə sayı Kilometr
1 77 Valtteri Bottas Mercedes AMG 628 2923.34
2 5 Sebastyan Fettel Ferrari 591 2751.105
3 44 Lyuis Həmilton Mercedes AMG 468 2178.54
4 9 Markus Eriksson Sauber 445 2071.475
5 19 Felipe Massa Williams 414 1927.17
6 18 Ləns Stroll Williams 386 1796.83
7 20 Kevin Maqnussen Haas 369 1717.695
8 7 Kimi Rəykkönen Ferrari 365 1699.075
9 31 Esteban Okon Force İndia 365 1699.075
10 11 Serxio Peres Force İndia 349 1624.595
11 33 Maks Ferstappen Red Bull 347 1615.285
12 8 Roman Qrojan Haas 346 1610.63
13 3 Daniel Rikkardo Red Bull 337 1568.735
14 27 Niko Hülkenberq Renault 314 1461.67
15 55 Karlos Sayns Toro Rosso 307 1429.085
16 30 Colion Palmer Renault 283 1317.365
17 26 Daniil Kvyat Toro Rosso 277 1289.435
18 2 Stoffel Vandorn McLaren 235 1093.925
19 94 Paskal Verlyayn Sauber 192 893.76
20 14 Fernando Alonso McLaren 190 884.45
21 36 Antonio Covinatsi Sauber 151 702.905
22 34 Alfonso Seliş Force İndia 71 330.505

 

Komandaların qət etdiyi məsafələr:

Yer Komanda Dövrə sayı Kilometr
1 Mercedes AMG 1096 5101.88
2 Ferrari 956 4450.18
3 Williams 800 3724
4 Sauber 788 3668.14
5 Force İndia 785 3654.175
6 Haas 715 3328.325
7 Red Bull 684 3184.02
8 Renault 597 2779.035
9 Toro Rosso 584 2718.52
10 McLaren 425 1978.375

 

Motorlara görə qət edilən ümumi məsafələr:

Yer Motor Dövrə sayı Kilometr
1 Mercedes 2681 12480.055
2 Renault 1865 8681.575
3 Ferrari 1671 7778.505
4 Ferrari-2016 (Sauber) 788 3668.14
5 Honda 425 1978.375
, , , , , , , ,

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*