Formula1 çempionatının 2012-ci il mövsümünün ilk rəsmi test sessiyası start alıb – yerli vaxtılə saat 9:00-da (Bakı vaxtılə saat 12:00) İspaniyanın Xeres avtodromunda mövsümün yeni maşınlarının motor səsləri yüksəlib. Hələlik havanın temperaturu cəmi +10 dərəcədir, rütubət isə yüksəkdir.
Bu gün trasda Mark Uebber (Red Bull), Censon Batton (McLaren), Felipe Massa (Ferrari), Mixael Şumaher və Niko Rosberq (Mercedes AMG), Kimi Rəykkönen (Lotus), Pol di Resta (Force İndia), Kamui Kobayaşi (Sauber), Daniel Rikkardo (Toro Rosso), Pastor Maldonado (Williams), Heykki Kovalaynen (Caterham) və Pedro de la Rosa (Hispania) işləyəcəklər.
Trasa birinci Heykki Kovalaynen çıxıb – 2012-c il mövsümü başladı!!!
