F-1.az xatırladır ki, keçən ilin dekabr ayında İtaliya parlamenti qanunda dəyişiklik edərək milli ACİ avtomobil klubuna İtaliya Qran Prisinin maliyyələşdirilməsində iştirak etməyə icazə vermişdi. Bununla da mövcud problem öz həllini tapmış, təşkilatçılar Formula1 rəhbərliyi ilə 7 illik müqavilə üçün razılığa gəlmişdilər.
Anjelo Stikki Damyani: “Mövsüm başlanmamışdan müqaviləni imzalayıb Montsanın bundan sonra da İtaliya Qran Prisinə ev sahibliyi edəcəyini elan etmək istəyirik. Təqvimdə qalacağımızdan əminəm. Berni ilə razılaşmışıq. O, sadiq insandır. Təkcə maliyyə məsələsi yox, dəqiqləşdirilməli olan başqa nüanslar da var”.
