18 Noyabr 2018, Bazar - 12:37

Montoya yenidən Alonso ilə mübarizə aparmaq üçün səbirsizlənir

Montoya yenidən Alonso ilə mübarizə aparmaq üçün səbirsizlənir

Müəllif: Rauf Hacıyev, redaktor

11:13 - 26 Aprel, 2017

Sabiq Formula1 sürücüsü Xuan Pablo Montoya bildirib ki, İndy500-də debüt edəcək Alonso davamlı traffikə görə problem yaşaya bilər.

F-1.az xatırladır ki, Alonso və Montoya 2001-ci ildə Formula1-də bir yerdə debüt etmişdilər, amma kolumbiyalı sürücü qalmaqallı şəxsiyyətinə görə 2006-cı ildə McLaren komandasından qovulmuşdu. Montoya o dövrdən etibarən gücünü oval traslarda sınamağa yollanmış və 2015-ci ildə İndyCar seriyasında 2-ci yeri tutmuşdu.

41 yaşlı sürücü Formula1-ə gəlməmişdən əvvəl 2000-ci ildə İndy500 yarışının da qalibi olmuşdu.

Xuan Pablo Montoya: “Fernandonun İndy500-də yarışması məni çox sevindirdi. Yarışda çətinlik çəkəcəyini gözləyirəm. Traffikdə olacaq və yarış bir az uzun çəkəcək. Buna hazır olmalıdır. Biz Fernando ilə eyni ildə idmana başladıq və o uzun illərdir ki, Formula1-də yarışmağa davam edir. İndy500-də azarkeşlərlə yaxın olmalısınız. Sizinlə şəkil çəkdirmək istəyən çoxlu insanlar olur və onları sevindirməlisiniz. İnanıram ki, Fernando təcrübəsi ilə doğru şeyləri edəcək və uğurlu nəticə qazanacaq”.


Son Xəbərlər

İnformasiya

Bölüm Xəbərlər
Mənbə
Baxış Sayı 7. 868
Teqlər , , ,
Paylaş

logo