Xatırladaq ki, keçən il burada bütün sessiyalar quru havada baş tutmuşdu.
F-1.az trasın rəsmi saytına istinadən bildirir ki, Monakoda ənənəvi olaraq ilk məşqlərin baş tutduğu cümə axşamı hava buludlu, temperatur +20 dərəcəyə qədər olacaq. Cümə günü də eyni hava şəraiti gözlənilir, lakin həmin gün sürücülər işləməyəcəklər.
Şənbə günü nahara qədər yağıntı ehtimalı var. Temperatur +21 dərəcəyə çatacaq. Yarışın baş tutacağı bazar günü termometrlər +20 dərəcəni göstərəcəklər, hava bir qədər buludlu olacaq.
