23 Oktyabr 2017, Bazar ertəsi - 17:08

Monako-2017: Yarış

Monako-2017: Yarış

Müəllif: Elçin Zodorov, redaktor

18:17 - 28 May, 2017

Monakoda komandalar qüvvələr nisbəti ilk beş yarışdakından bir qədər fərqlənib. Bir çoxları hələ əvvəldən hesab edirdi ki, uzun təkər bazası Mercedes AMG üçün burada problemə çevriləcək. Amma yenə də təkərlər əsas həlledici amil olaraq qalıb.

Pirelli bura keçənilki kimi ən yumşaq üçlüyü – Soft, SuperSoft və UltraSoft tərkibləri gətirib. Hətta ən yumşaq tərkib olan UltraSoft-u da qızdırmaq çox çətin olub. Sıralanma turunda bunu uğurla edən sürücülər üstünlük əldə ediblər. Lakin təkərləri optimal temperatura çatdırmaq üçün də ardıcıl dövrələr vurmaq lazım gəlib.

Sərbəst yürüşlərin ilk sessiyasında Həmilton protokollara başçılıq etsə də, cümə axşamı nahardan sonradünən səhər baş tutan sessiyalarda Fettel hamıdan sürətli olmuşdu. İkinci sessiyadan etibarən Mercedes AMG-nin Ferrari-dən geridə olduğu üzə çıxmışdı. Çoxları bunu sürpriz hesab etmirdi, çünki uzun təkər bazasının dar döngələrdə problem yaradacağı əvvəlcədən proqnozlaşdırılırdı.

Sıralanma turunda da Ferrari-nin üstünlüyü davam etmişdi. Rəykkönen 2008-ci ildən sonra ilk poulunu əldə etmiş, Bottası minimal fərqlə üstələyən Fettel isə ikinci olmuşdu. Yarışa ikinci cərgədən – Bottasın yanından Ferstappen başlamağa haqq qazanmışdı. Üçüncü cərgəni isə Rikkardo və Sayns zəbt etmişdilər.

F-1.az xatırladır ki, İndy500 yarışında iştirak etmək üçün ABŞ-a yollanan Fernando Alonsonu Monakoda keçmiş komanda yoldaşı, karyerasını keçən il başa vurmuş 2009-cu ilin dünya çempionu Censon Batton əvəzləyib. Britaniyalı sürücü və komandanın digər üzvü Vandorn üçüncü sessiyaya keçsələr də, heç biri yarışa ilk onluqdan başlaya bilməyib. Buna Vandorna əvvəlki yarışdan verilən startda üç yer itirmək cəzası, Battona isə güc qurğusundakı dəyişikliklərə görə verilən 15 yer itirmək cəzası səbəb olub. Peletonun sonuna göndərilən Censon yarışa pit yolundan başlayıb.

Yarışa Sauber-in sürücüləri Verlyayn və Eriksson SuperSoft, yerdə qalan digər sürücülər isə UltraSoft tərkiblərlə başlayıblar. Startda öndəki sürücülər yerlərini qoruyublar. Həmilton dərhal Vandornu üstələyib, Kvyat isə iki yer itirib. Növbəti dövrədə Verlyayn və Batton pit-stopa yollanıblar. Lakin Verlyayn təkərləri dəyişdikdən sonra pit yoluna ehtiyatsız çıxıb buna görə ona 5 saniyəlik cəza verilib. 2-ci dövrədən sonra ilk onluq belə olub: Rəykkönen – Fettel – Bottas – Ferstappen – Rikkardo – Sayns – Peres – Qrojan – Maqnussen – Hülkenberq.

Rəykkönen komanda yoldaşından uzaqlaşmağa başlayıb. Peleton getdikcə uzanıb və yeni maşınlar hətta DRS zonasında da mövqe uğrunda mübarizəyə imkan verməyiblər. Yarışın 16-cı dövrəsində Hülkenberqin maşını tüstülənib – alman sürücünün maşınında ötürmələr qutusu sıradan çıxıb. Maşınının burun hissəsi zədələnən Peres planlaşdırılmamış pit-stop etməli olub.

33-cü dövrədə Maks pit yoluna üz tutub və SuperSoft-a keçib. Bottas dərhal tempini artırıb və növbəti dövrədə pit-stop edərək trasa Maksın önündə qayıdıb. Növbəti dövrədə isə yarışın lideri Rəykkönen təkərlərini dəyişib və trasa qayıdarkən üçüncü olub. Liderliyə yüksəlmiş Fettel isə ardıcıl sürətli dövrələr vurub. Pit-stop dalğası davam edib, 39-cu dövrədə Rikkardo, 40-cı dövrədə isə Fettel təkərləri dəyişiblər. Onun mexanikləri əla işləyiblər və alman sürücü trasa lider qayıdıb. 48-ci dövrədən sonra ilk onluq belə olub: Fettel – Rəykkönen – Rikkardo – Bottas – Ferstappen – Sayns – Həmilton – Qrojan – Kvyat – Vandorn.

Yarışın 60-cı dövrəsində ciddi qəza baş verib – Batton tunelin girişində Verlyaynı qabaqlamaq istəyərkən təkər-təkərə toqquşma baş verib və Verlyaynın maşını şaquli formada divara çırpılıb. Onun maşını elə bu vəziyyətdə də qalıb. Batton da zədələnmiş maşını təhlükəsizlik zonasında saxlayıb. Təhlükəsizlik maşını trasa daxil olub. Hadisə yerinə tibbi maşın göndərilib. Lakin Verlyayn qəzadan zədə almadan qurtulub. TM rejimindən istifadə edən Ferstappen, Massa və Peres dərhal pit-stop ediblər. Bernd Maylander trası tərk etməyə hazırlaşarkən Eriksson birinci döngədə idarəetməni itirib və baryerlərə çırpılıb. Sona 11 dövrə qalmış restart verilib və Fettel mövqeyini qoruyub. Rikkardonun Rəykkönenə hücum cəhdləri isə bir nəticə verməyib. Növbəti qəzanı isə Vandorn edib və McLaren bu mövsüm ilk xalını qazanmaqdan yenə məhrum olub.

Yarışın 72-ci dövrəsində Peres Kvyata hücum edib və maşınlar toqquşub. Kvyat yarışı dayandırmalı olub, təkəri deşilən Peres isə yenə pit-stop etməli olub və xal zonasından uzaq düşüb. Əyləc sistemində problem olan Stroll komanda tərəfindən boksa çağırılıb. Kanadalı sürücü qəza etməsə də, Monako yarışını tamamlaya bilməyib.

Monakoda finiş xəttini birinci keçən Fettel bu mövsüm üçüncü qələbəsini əldə edib və ümumi qələbə sayını 45-ə çatdırıb. Çempionatda Lyuislə olan xal fərqini 25 xala artırıb. Bu, Ferrari-nin Monte Karloda 2001-ci ildən bəri ilk qələbəsidir. Ferrari bu nəticələrdən sonra Mühəndislər Kubokunda əsas rəqibi Mercedes AMG-ni üstələyib.

Rəykkönen ikinci olaraq bu mövsüm ən yaxşı nəticəsini əldə edib. Bu, Ferrari-nin 2010-cu ildəki Almaniya Qran Prisindən bəri ilk dubludur. Haas komandası hər iki sürücüsü ilə xal qazanıb. Son 15 yarışda xal qazanan Peresin uğurlu seriyası bu dəfə qırılıb.

Mübarizə iki həftə sonra okeanın o tayında – Kanadadakı Jil Vilnövün adını daşıyan trasda davam edəcək. Azərbaycan Qran Prisinə isə çox az qalıb…

YerNSürücüKomandaZaman/FərqPit
15Sebastyan FettelFerrari1:44:44.3401
27Kimi RəykkönenFerrari+ 0:03.1451
33Daniel RikkardoRed Bull+ 0:03.7451
477Valtteri BottasMercedes AMG+ 0:05.5171
533Maks FerstappenRed Bull+ 0:06.1992
655Karlos SaynsToro Rosso+ 0:12.0381
744Lyuis HəmiltonMercedes AMG+ 0:15.8011
88Roman QrojanHaas+ 0:18.1501
919Felipe MassaWilliams+ 0:19.4452
1020Kevin MaqnussenHaas+ 0:21.4432
1130Colion PalmerRenault+ 0:22.7371
1231Esteban OkonForce İndia+ 0:23.7253
1311Serxio PeresForce İndia+ 0:39.0893
1426Daniil KvyatToro Rosso+ 5 dövrə1
1518Ləns StrollWilliams+ 5 dövrə3

 

Sürətli dövrə: Serxio Peres (Force İndia) – 1:14.820 (76-cı dövrə, 160.561 km/saat).

 

MÜBARİZƏNİ DAYANDIRANLAR:

SürücüKomandaDövrəSəbəb
Ləns StrolWilliams72əyləc
Daniil KvyatToro Rosso72qəza
Stoffel VandronMcLaren67qəza
Markus ErikssonSauber64qəza
Censon BattonMcLaren58qəza
Paskal VerlyaynSauber58qəza
Niko HülkenberqForce İndia16ötürmələr qutusu

 

SÜRÜCÜLƏRİN ÇEMPİONATI:

YerNSürücüÖlkəKomandaXal
15Sebastyan FettelScuderia Ferrari129
244Lyuis HəmiltonMercedes AMG Petronas F1 Team104
377Valtteri BottasMercedes AMG Petronas F1 Team75
47Kimi RəykkönenScuderia Ferrari67
53Daniel RikkardoRed Bull Racing52
633Maks FerstappenRed Bull Racing45
711Serxio PeresSahara Force İndia F1 Team34
855Karlos SaynsScuderia Toro Rosso25
919Felipe MassaWilliams Martini Racing20
1031Esteban OkonSahara Force India F1 Team19
1127Niko HülkenberqRenault Sport Formula 1 Team14
128Roman QrojanHaas F1 Team9
1320Kevin MaqnussenHaas F1 Team5
1494Paskal VerlyaynSauber F1 Team4
1526Daniil KvyatScuderia Toro Rosso4

 

MÜHƏNDİSLƏR KUBOKU:

YerKomandaMotorXal
1Scuderia FerrariFerrari196
2Mercedes AMG Petronas F1 TeamMercedes179
3Red Bull RacingTAG Heuer97
4Sahara Force İndia F1 TeamMercedes53
5Scuderia Toro RossoRenault29
6Williams Martini RacingMercedes20
7Renault Sport Formula 1 TeamRenault14
8Haas F1 TeamFerrari14
9Sauber F1 TeamFerrari4

Son Xəbərlər

İnformasiya

Bölüm Xəbərlər
Mənbə
Baxış Sayı 7. 678
Teqlər , , , , , , , ,
Paylaş

logo