Fernando Alonso nahardan sonra protokollara başçılıq edib - ispaniyalı sürücü SuperSoft təkərlərlə qısa dövrələr seriyasında ən yaxşı nəticəyə imza atıb. İlk dördlüyü Ferrari və Red Bull sürücüləri zəbt ediblər, bu isə sıralanma turunda maraqlı mübarizəyə əsas verir.

Hokkenhaymda bütün gecəni yağış yağıb, səhər də yağmaqda davam edib. Sürücülər ilk yürüşlərə başlayarkən hələ yağış yağıb, komandalar yağış təkərləri ilə işə başlayıblar, sonra keçid təkərlərinə keçiblər - bütün sürücülər də trasdan çıxmaqla qeyd olunublar.