Mercedes GP komandasının başçısı Ross Braun əmindir ki, Formula1 fantastik mövsüm gözləyir, bunun üçün əla şərait var. Keçən il Rossun başçılıq etdiyi Brawn GP komandası Mühəndislər Kubokunu qazanmışdı, komandanın sürücüsü Censon Batton isə dünya çempionu olmuşdu. İndi təkcə komandanın statusu (Mercedes-Benz şirkətinin zavod komandası) və adı deyil, həm də heyəti tam dəyişib - komandanın maşınlarını yeddiqat dünya çempionu Mixael Şumaher və Niko Rosberq sürəcəklər...

Red Bull komandasının sürücüsü Mark Uebber Mixael Şumaherin Formula1-ə qayıtması qərarını dəstəkləyib, amma eyni zamanda hesab edir ki, yaxşı fiziki forması və uğurlu mövsümöncəsi testlər alman sürücüyə çempionatı tərk edərkən olduğu səviyyəyə qayıtmağa imkan verməyəcək.

McLaren komandası əmin edir ki, Bəhreyn Qran Prisi ərəfəsində MP4-25-in arxa antiqanadının konstruksiyasının leqallığı barədə narahatlıq keçirmir. Gözlənildiyinə görə, yaxın günlərdə FİA konstruksiyanın qanunauyğunluğunu təsdiq edəcək. Buna baxmayaraq, komanda bu aerodinamik elementin alternativ variantını hazırlayıb və Bəhreynə gətirəcək.

Bu il Sauber komandası çempionatın top-komandaları ilə bərabər mübarizəyə qatıla bilər, çünki C29 şassisi komandanın sürücülərinə təkərlərlə daha səliqəli davranmağa imkan verir - bu Bridgestone firmasının mütəxəssislərinin fikridir. Mövsümöncəsi testlərdə Sauber maşınları yaxşı sürət nümayiş etdiriblər, amma məlum olanda ki, C29 maşınında təkərlər liderlərin maşınlarında olduğundan daha az yeyilir, komanda əlavə nikbinlik payı qazanıb.

Klassik Silverstoun avtodromunda rekonstruksiya işləri başa çatmaq üzrədir - bu barədə Böyük Britaniya Qran Prisinin təşkilatçıları bildiriblər. Arena adını almış trasın yenilənmiş konfiqurasiyası bu il həm Formula1 yarışını, həm də Moto GP və Superbayk mərhələlərini qəbul edəcək.

Formula1-in kommersiya başçısı Berni Ekklstoun 41 yaşlı Mixael Şumaherin bu il titul qazanamsına ümid etmir. Berninin fikrincə, əgər Şumaher uğursuzluq zolağına düşərsə, onun səbri tükənə bilər...