Caterham F1 Team komandası elan edib ki, Vitaliy Petrovla müqavilə imzalanıb və bu gündən rusiyalı sürücü Yarno Trullini əvəz edəcək. Petrov komandanın bazasına baş çəkib, ondan oturacaq nümunəsi götürülüb - o, mövsümöncəsi testlərin Barselonada ikinci seriyasında sükan arxasında oturacaq.

Xeres testlərində günəşli hava komandaların effektiv və məhsuldar işləməsinə şərait yaratmışdı - düzdür, səhərlər soyuq olsa da, ümumən, gün ərzində vəziyyət ideal olub. Qarşıda komandaları Barselonada ikinci və üçüncü test seriyaları gözləyir və bu dəfə hava proqnozu elə də qənaətbəxş deyil.

Mercedes AMG Petronas komandası bu gün Silverstoun trasında yeni maşınını yoxlayıb - bu hadisənin həvəskar çəkilişləri internetdə yerləşdirilib, bir qədər sonra komanda öz saytında rəsmi çəkilişləri də yerləşdirib.

FİA-nın mətbuat xidməti bu gün qarşıdakı mövsümün rəsmi təqvimini təsdiq edib. Sonuncu versiyaya heç bir dəyişiklik edilməyib, əvvəlki versiya hələ keçən il Ümumdünya Şurasının iclasında təsdiq olunmuşdu, amma bəzi məqamlar diqqəti cəlb edir, məsələn, Ostində ABŞ Qran Prisində dövrələrin sayı və yarış məsafəsinin uzunluğu.

Pirelli şirkəti mövsümün ilk üç yarışında komandaların istifadə edəcəkləri təkər tərkiblərini müəyyən edib - Avstraliya və Çinə italiyalılar Medium və Soft tərkiblərini, Malayziyaya isə Medium və Hard tərkiblərini gətirəcəklər.

Mercedes AMG Petronas komandası bu gün rəsmən yeni maşınının təqdimatını anons edib - yeni W03 fevralın 21-də Barselonada mövsümöncəsi testlərin ikinci seriyasının ilk günü göstəriləcək...

Keçən il Bəhreyn Qran Prisi ölkədəki siyasi böhran üzündən təxirə salınmışdı. O zaman yarışın təşkilatçıları Ekklstouna yarış haqqını ödəmişdilər və bildirmişdilər ki, 2012-ci ildə yarışın keçirilməsi üçün əllərindən gələni edəcəklər, amma son günlərdə ölkədə vəziyyət yenidən kəskinləşib.

Formula1 yarışlarını Britaniyada yayımlayan BBC və Sky Sports telekanalları 2012-ci il mövsümünə hazırladıqları promo çarxı təqdim ediblər.

Britaniyanın məşhur William Hill idarəsinin bukmeykerləri qarşıdakı mövsümdə sürücülərin qələbə şanslarını yenidən qiymətləndiriblər, hərçənd, ümumən heç nə dəyişməyib - sürücülərin reytinqində Sebastyan Fettel, Mühəndislər Kubokunda isə Red Bull komandası liderliklərini davam etdiriblər...

Hispania komandası Dani Klosla 2012-c il mövsümü üçün ehtiyat sürücü müqaviləsi imzalayıb. Komandanın mətbuat xidmətinin verdiyi xəbərə görə, 23 yaşlı sürücü komandanın tamhüquqlu üzvü olacaq və bütün Qran Prilərdə komanda ilə birlikdə qatılacaq.

Dünən axşam Londonda "Senna" filmi BAFTA mərasimində daha iki mükafat alıb - Britaniyanın BAFTA mərasimi Amerikanın Oskar mərasiminin analoqudur. "Senna" filmi sənədli kino və Ən yaxşı montaj nominasiyalarında mükafata layiq görülüb.

Formula1 üzrə 63-cü dünya çempionatının startına bir ay vaxt qalır, artıq çempionat iştirakçılarından doqquz komanda yeni maşınını təqdim edib. Builki maşınları əvvəlkilərdən xarici görünüşünə görə yeni reqlamentə əsasən burun elementindəki "pillə" fərqləndirir.

Mövsümöncəsi testlərin Xeresdəki birinci seriyası günlərində bəzi komandaların maşınlarında, xüsusən də McLaren MP4-27 və Ferrari F2012 maşınlarında quraşdırılmış qazburaxma sistemləri hamının diqqətini və marağını cəlb edib - FİA-nın ekspertləri də kənarda qalmayıblar. Amma Xeresdə hər iki maşının bu texniki elementi federasiyanın texniki nümayəndəsi Çarli Uaytinqin icazəsini alıb.

Mövsümöncəsi testlərin ilk seriyası arxada qalıb, indi komandalar bazalarında ilk testlərdən topladıqları məlumatları təhlil edirlər. Fevralın 21-də testlərin ikinci seriyası Barselonada start alacaq.

Xeres testlərini başa vurduqdan sonra Formula1 komandaları öz bazalarına qayıdıblar, yalnız Caterham komandası Xeresdə qalıb: şənbə günü komanda reklam çarxlarının çəkilişi üçün avtodromu icarəyə götürüb. Komandanın mətbuat xidməti bildirib ki, testlər şəxsi xarakter daşıdığı üçün avtodroma jurnalistlər və azarkeşlər buraxılmayıb.

Mövsümöncəsi testlərin birinci seriyası arxada qalıb. Biz dördgünlük testlərin nəticələrini bir cədvələ toplamışıq. Komandalar öz proqramları üzrə işləyiblər, çənlərdə yanacağın miqdarı da fərqli olub, maşının sürəti barədə heç nə söyləmək mümkün olmasa da, azarkeşlər ümumi vəziyyəti qiymətləndirə bilərlər...

Red Bull komandasının başçısı və komandanın texniki departamentinin başçısı Ədrian Nyui xeyriyyə yarım marafonunun startına çıxmağa hazırlaşırlar - tədbir Silverstounda baş tutacaq. Tədbirin məqsədi Red Bull şirkətinin təsis etdiyi Wings for Life fonduna vəsaitin toplanmasıdır.

Mercedes AMG komandası mövsümöncəsi testlərin Xeresdə birinci seriyasında keçənilki şassidən istifadə etməsinə baxmayaraq, komanda 2012-ci ilin maşını üçün hazırlanmış bir çox yenilikləri yoxlamaq qərarına gəlib. Ekspertlərin diqqətini xüsusi hava kanalı ilə təchiz olunmuş ön antiqanad cəlb edib.

Hispania komandasının yeni mövsümə hazırladığı maşın Barselonada mövsümöncəsi testlərin ikinci seriyasına gətirilməyəcək - yeni şassi FİA-nın məcburi krəş-testini keçə bilməyib. İndi komanda təchizatçılara müraciət edib ki, bəzi elementlərin bərkliyini artırsın, buna müəyyən qədər vaxt tələb olunur, ən yaxşı halda yeni maşın sonuncu testlər seriyasında - martın 1-də debüt edə bilər.

Caterham komandasının sürücüsü Heykki Kovalaynen İMG Worldwide şirkətilə müqavilə imzalayıb - şirkət onun karyerası ilə məşğul olacaq, Heykkinin şəxsi meneceri Martin Anai olacaq.

Xeres testlərinin üçüncü günü sessiyaya start veriləndən bir saat keçməmiş marşallar qırmızı bayraqlara əl atmalı olublar - Jül Byanki qəzaya uğrayıb.

Mika Hakkinenin keçmiş meneceri Didye Kotonun Lyuis Həmiltonun karyerası ilə məşğul olması barədə şayiələr hələ 2010-cu ilin martında mətbuatda yayılmışdı, amma britaniyalı sürücü sonda yarışlara aidiyyatı olmayan, amma idmançı və artistlərlə aktiv işləyən XIX Entertainment şirkəti ilə müqavilə imzalamışdı.

Adrian Sutil və onun vəkili Münhen məhkəməsinin qərarına apelyasiya vermək firindədirlər - məhkəmə Adrianı Erik Lyuksla insidentdə təqsirkar bilərək 18 ay azadlıqdan şərti mərhum etməklə 200 min Avro məbləğində cərimə etmişdi.

Texas ştatının mərkəzində qış yağışları yağır, amma hava Circuit of The Americas (СОТА) avtodromunun tikintisinə təsir etmir. Gələcək avtodromun mətbuat xidmətinin bildirdiyinə görə, tikinti işləri həftənin altı günü davam edir və daimi işçilərin sayı artıq 400 nəfəri keçib.

Formula1 çempionatının 2012-ci il mövsümünün ilk rəsmi test sessiyası start alıb - yerli vaxtılə saat 9:00-da (Bakı vaxtılə saat 12:00) İspaniyanın Xeres avtodromunda mövsümün yeni maşınlarının motor səsləri yüksəlib. Hələlik havanın temperaturu cəmi +10 dərəcədir, rütubət isə yüksəkdir.

Bu gün səhər Xeres avtodromunda Williams komandası yeni FW34 maşınını təqdim edib. Maşının burun elementində mövsümə xas olan "pillə" görünür, arxa hissəsi isə çox səliqəli və kompaktdır.

Bu gün axşam Toro Rosso komandası 2012-c il mövsümü üçün hazırladığı yeni maşınını təqdim edib. Xeres avtodromunda komandanın boksları önündə Daniel Rikkardo və Jan Erik Vern yeni STR7-nin üzərindən pərdəni çəkiblər.

Bu gün son iki ilin çempionu Red Bull komandası 2012-ci il mövsümü üçün hazırladığı yeni maşınını təqdim edib. Keçən il olduğu kimi yeni maşın mövsümöncəsi testlərə qədər hazırlanıb, amma bu dəfə təqdimat mərasimi virtual olub - komandanın rəsmi saytında yeni maşının şəkilləri və məsul şəxslərin müsahibələri dərc olunub. Sabah RB8 Xeres testlərində debüt edəcək və ilk iki günü sükan arxasında Mark Uebber işləyəcək...

Mövsümöncəsu testlərə bir gün qalmış Sauber komandası yeni maşınını təqdim edib. Xeres avtodromunun start düzlüyündə Kamui Kobayaşi və Serxio Peres C31-in üzərindən pərdəni çəkiblər, sonra jurnalistlər qısa mətbuat konfransına dəvət olunublar.

Bu gün bir qədər əvvəl Lotus komandası rəsmi saytında 2012-ci il mövsümü üçün hazırladığı E20 şassisinin onlayn təqdimatını keçirib - E20 komandanın Ənstoundakı bazasında hazrılanmış iyirminci maşındır.